တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
TNLA ကိုယ်စားလှယ်များ ငြိမ်းချမ်းရေးဆွေးနွေးရန် တရုတ်ရောက်ချိန် နောင်ချိုမြို့နယ်ကို စစ်ကောင်စီမှ ဗုံး ၁၇၅ လုံး ပစ်ခတ်တိုက်ခိုက်
ရှမ်းပြည်နယ်မြောက်ပိုင်း၊ ကျောက်မဲခရိုင်၊ TNLA ထိန်းချုပ်ရာ နောင်ချိုမြို့နယ်အား တောင်ခမ်းဒေသရှိ စစ်ကောင်စီတပ်မှဖေဖော်ဝါရီလ ၁၅ ရက်နေ့တွင် လက်နက်ကြီးနှင့် Y-12 လေယာဉ်အသုံးပြုပြီး ဗုံး (၁၇၅)လုံး ပစ်ခတ်တိုက်ခိုက်ခဲ့သည်။
ပလောင်ပြည်နယ်လွတ်မြောက်ရေးတပ်ဦး-PSLF/TNLA ၏ ကိုယ်စားလှယ်များသည် တရုတ်အစိုးရစီစဉ်ချက်အရ မြန်မာကိုယ်စားလှယ်များနှင့်တွေ့ဆုံရန်အတွက် ၂ဝ၂၅ ခုနှစ် ဖေဖော်ဝါရီလ ၁၅ ရက်တွင် တရုတ်နိုင်ငံ ယူနန်ပြည်နယ်၊ ကူမင်းမြို့သို ရောက်ရှိနေချိန် စစ်ကောင်စီတပ်မှ နောင်ချိုမြို့နယ်အား ပစ်ခတ်တိုက်ခိုက်ခြင်းဖြစ်သည်။
နောင်ချိုမြို့နယ်အတွင်းရှိ နာဆွေကျေးရွာ၊ အုမ္မတီးကျေးရွာ၊ ညောင်နီကျေးရွာနှင့် တောင်ရွှေကျေးရွာများအား ဖေဖော်ဝါရီလ ၁၅ ရက်တွင် တောင်ခမ်းစခန်းမှ ခမရ (၄ဝ၆)၊ တပ်ရင်း (၃၅၄)နှင့် တပ်ရင်း (၉ဝ၂)တို့မှ လက်နက်ကြီး အလုံးရေ (၁၃၇)လုံး ပစ်ခတ်တိုက်ခိုက်ခဲ့ကြောင်း TNLA ကထုတ်ပြန်သည်။
ထို့ပြင် ဖေဖော်ဝါရီလ ၁၅ ရက် နေ့လယ်ပိုင်းတွင် စစ်ကောင်စီတပ်မှ Y-12 လေယာဉ်ဖြင့် နာဆွေကျေးရွာအတွင်း ဗုံး (၃၈)လုံး လာရောက်ကြဲချခဲ့ကြောင်းသိရသည်။
ပြီးခဲ့သည့် ဖေဖောဝါရီလ ၁ဝ ရက်နေ့ကလည်း TNLA ထိန်းချုပ်ရာ မိုးကုတ်မြို့ကို စစ်ကောင်စီတပ်မှ လေကြောင်းအသုံးပြုပြီး ဗုံး (၂ဝ)ခန့် လာရောက်ကြဲချတိုက်ခိုက်မှုကြောင့် ဒေသခံ (၅)ဦး သေဆုံးကာ (၁၉)ဦး ထိခိုက်ဒဏ်ရာရရှိခဲ့သည်။
တရုတ်နိုင်ငံ ယူနန်ပြည်နယ်၊ ကူမင်းမြို့တွင် ယနေ့ ဖေဖော်ဝါရီလ ၁၆ ရက်နေ့၌ ဒုဗိုလ်ချုပ်ကြီး တားဂျုတ်ဂျား ဦးဆောင်သည့် PSLF/TNLA ကိုယ်စားလှယ်အဖွဲ့နှင့် စစ်ကောင်စီဘက်မှ ကစထ(၁) မှူး ဒုဗိုလ်ချုပ်ကြီး ကိုကိုဦး ဦးဆောင်သည့် ကိုယ်စားလှယ်အဖွဲ့တို့က တရုတ်နိုင်ငံ၏ ကြားဝင်စီစဉ်မှုဖြင့် ငြိမ်းချမ်းရေးဆွေးနွေးကြမည်ဖြစ်သည်။
Comments
Post a Comment