မန္တလေးမြို့ရှိ အိုးဘိုထောင်တွင် မတ်လ ၂၈ ရက်နေ့က ငလျင်ဒဏ်ကြောင့် ၄ ဦးသေဆုံးခဲ့ပြီး ထိခိုက်ဒဏ်ရာ ပြင်းထန်သူများအား ဆေးကုသခွင့် ကန့်သတ်ခြင်းခံနေရကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှထုတ်ပြန်သည်။ ငလျင်ကြောင့် အိုးဘိုထောင်ရှိ အမျိုးသမီးအဆောင်များဖြစ်သည့် အဆောင်(၁)/(၂)နှင့် အမျိုးသမီးဆေးရုံဆောင်များပြိုကျပျက်စီးခဲ့ပြီး အမျိုးသားအဆောင်အလုပ်ရုံအပါအဝင် အဆောင်များနှင့် ကာရံထားသည့် အုတ်ရိုးများပြိုကျခဲ့သည်။ ထို့ပြင်ငလျင်ကြောင့် စိုးရိမ်ရသူ(၉)ဦးရှိပြီး ဆေးရုံတက်ရန်လိုအပ်သူ(၄ဝ)ကျော်ရှိသည်။ အချို့ထိခိုက်ဒဏ်ရာများသည် အကျဉ်းထောင်များတွင် ကုသရန်မလွယ်ကူ၍ ပြင်ပဆေးရုံသို့ ပို့ဆောင်ရန် လိုအပ်လျှက်ရှိသော်လည်း ကုသခွင့်မရပဲ ယနေ့အချိန်ထိ ကန့်သတ်ခံထားရကြောင်း PPNMမှထုတ်ပြန်သည်။ ထို့အပြင် ထိခိုက်ဒဏ်ရာရရှိသူများမှာ မိသားစုဝင်များနှင့် ဆက်သွယ်တွေ့ဆုံခွင့်မရသည့် အခြေအနေများလည်း ရင်ဆိုင်ကြုံတွေ့နေရသည်။ အိုးဘိုထောင်တွင် ဆေးဝါးလိုအပ်ချက်များစွာရှိနေပြီး အရက်ပြန်၊ဂွမ်း၊အနာကျက်ဆေးရည်၊ပတ်တီး စသည့် ဆေးဝါးပစ္စည်းများလိုအပ်လျှက်ရှိကြောင်း PPNMမှထုတ်ပြန်သည်...
ဒိုက်ဦး ၊အိုးဘို၊ မြိတ်၊ ညောင်ဦး ၊ပခုက္ကူအကျဉ်းထောင်ဝန်ထမ်းများမှ နိုင်ငံရေးအကျဉ်းသား မိသားစုဝင်များထံ ငွေကြေးလိမ်လည်တောင်းခံနေကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှထုတ်ပြန်သည်။
၂ဝ၂၅ ခုနှစ် ဇန်နဝါရီလအစောပိုင်းမှ စ၍ အကျဉ်းဦးစီးဝန်ထမ်းများသည် နိုင်ငံရေးအကျဉ်းသားများ၏ မိသားစုဝင်များထံ ဖုန်းဖြင့်ဆက်သွယ်ကာ အကြောင်းပြချက်အမျိုးမျိုးဖြင့် ငွေကြေးလိမ်လည်တောင်းဆိုမှုများရှိနေကြောင်း PPNM မှသိရသည်။
 |
| Photo - PPNM (အကျဉ်းဦးစီးဝန်ထမ်းများ) |
ဒိုက်ဦးထောင်တွင် အိပ်ဆောင်(၄)၏ အဆောင်မှူး မျိုးသီဟအောင်မှ နိုင်ငံရေးအကျဉ်းသား မိသားစုဝင်များကို ၎င်းတို့၏ မိသားစုဝင် ဆေးရုံတက်နေရ၍ ငွေကြေး အရေးပေါ်လိုအပ်လျက်ရှိကြောင်း ပြောဆိုကာ မကြာခဏ လိမ်လည်တောင်းခံလျက်ရှိကြောင်း သိရသည်။
အဆောင်မှူး မျိုးသီဟအောင် အပါအဝင် ဒိုက်ဦးထောင်ရှိ ဝန်ထမ်းများသည် မိသားစုဝင်များထံမှ ငွေကြေးအနည်းဆုံး ကျပ်တသိန်းမှစ၍ သိန်းတရာဝန်းကျင်အထိ လိမ်လည်တောင်းခံနေကြောင်းသိရသည်။
ပြီးခဲ့သည့် ဇန်နဝါရီလတွင် အိုးဘိုထောင် အကျဉ်းဦးစီးဝန်ထမ်း ဆုပိုပိုလင်းမှ ဓာတ်ဆားထုတ်ဝယ်ယူရန်ဟုဆိုကာ မြန်မာကျပ်ငွေ ငါးသောင်းကျပ်မှစ၍ တသိန်းကျပ်အထိ လိမ်လည်တောင်းခံမှုများရှိခဲ့ကြောင်း သိရသည်။
မြိတ်အကျဉ်းထောင်မှ အကျဉ်းဦးစီးဝန်ထမ်းအမျိုးသားတဦးသည် နိုင်ငံရေးအကျဉ်းသားတဦး၏ မိသားစုများထံ ငွေကြေးလိမ်လည်တောင်းဆိုနေမှုများရှိကြောင်း သိရသည်။
ညောင်ဦးအကျဉ်းထောင်တွင်လည်း နိုင်ငံရေးအကျဉ်းသားတဦးမှ ပစ္စည်းမှာခိုင်းသည်ဟု ဆိုကာ မိသားစုဝင်များထံ ဖုန်းဆက် တောင်းခံခြင်းများ ပြုလုပ်လျက်ရှိသည်။
ပခုက္ကူအကျဉ်းထောင်တွင်လည်း ကျော်လေး ဆိုသူ ဝန်ထမ်းက ငွေကြေးပျမ်းမျှ တသိန်းမှ သုံးသိန်းအထိ တောင်းခံလျက်ရှိပြီး ဆရာသော် အမည်ဖြင့် အကျဉ်းဦးစီးဝန်ထမ်း တဦးကလည်း ငွေကြေးလိမ်လည်လျက်ရှိသည်။
နိုင်ငံရေးအကျဉ်းသားမိသားစုဝင်များအနေဖြင့် သေချာစီစစ်မေးမြန်းပြီးမှသာ ငွေလွှဲရန်နှင့် လိမ်လည်တောင်းခံနေမှုများ ဆိုးရွားလာပါက ကျုးလွန်သူကိုဓာတ်ပုံနှင့်တကွ ထုတ်ပြန်သွားမည်ဖြစ်ကြောင်း PPNM က သတိပေးသည်။
Comments
Post a Comment