မန္တလေးမြို့ရှိ အိုးဘိုထောင်တွင် မတ်လ ၂၈ ရက်နေ့က ငလျင်ဒဏ်ကြောင့် ၄ ဦးသေဆုံးခဲ့ပြီး ထိခိုက်ဒဏ်ရာ ပြင်းထန်သူများအား ဆေးကုသခွင့် ကန့်သတ်ခြင်းခံနေရကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှထုတ်ပြန်သည်။ ငလျင်ကြောင့် အိုးဘိုထောင်ရှိ အမျိုးသမီးအဆောင်များဖြစ်သည့် အဆောင်(၁)/(၂)နှင့် အမျိုးသမီးဆေးရုံဆောင်များပြိုကျပျက်စီးခဲ့ပြီး အမျိုးသားအဆောင်အလုပ်ရုံအပါအဝင် အဆောင်များနှင့် ကာရံထားသည့် အုတ်ရိုးများပြိုကျခဲ့သည်။ ထို့ပြင်ငလျင်ကြောင့် စိုးရိမ်ရသူ(၉)ဦးရှိပြီး ဆေးရုံတက်ရန်လိုအပ်သူ(၄ဝ)ကျော်ရှိသည်။ အချို့ထိခိုက်ဒဏ်ရာများသည် အကျဉ်းထောင်များတွင် ကုသရန်မလွယ်ကူ၍ ပြင်ပဆေးရုံသို့ ပို့ဆောင်ရန် လိုအပ်လျှက်ရှိသော်လည်း ကုသခွင့်မရပဲ ယနေ့အချိန်ထိ ကန့်သတ်ခံထားရကြောင်း PPNMမှထုတ်ပြန်သည်။ ထို့အပြင် ထိခိုက်ဒဏ်ရာရရှိသူများမှာ မိသားစုဝင်များနှင့် ဆက်သွယ်တွေ့ဆုံခွင့်မရသည့် အခြေအနေများလည်း ရင်ဆိုင်ကြုံတွေ့နေရသည်။ အိုးဘိုထောင်တွင် ဆေးဝါးလိုအပ်ချက်များစွာရှိနေပြီး အရက်ပြန်၊ဂွမ်း၊အနာကျက်ဆေးရည်၊ပတ်တီး စသည့် ဆေးဝါးပစ္စည်းများလိုအပ်လျှက်ရှိကြောင်း PPNMမှထုတ်ပြန်သည်...
ပဲခူးတိုင်း၊ ပြည်အကျဉ်းထောင်၌ ယနေ့နံနက်ပိုင်းတွင် သေနတ်ဖောက်ကာ နိုင်ငံရေးအကျဉ်းသားများကို ရိုက်နှက်မှုဖြစ်ပွားခဲ့သည်။
ယနေ့နံနက် ၇ နာရီခွဲ အချိန်ခန့်တွင် စားရိပ်သာတာဝန်ခံ (ဖိုခေါင်း)ဖြစ်သူ အကျဉ်းသားလင်းထိန် ဆိုသူမှ လက်သီးဖြင့် နိုင်ငံရေးအကျဉ်းသားတဦးကို ထိုးခဲ့သည်။
ဌင်းကဲ့သို့ ဆောင်ရွက်နေစဉ် အကျဉ်းထောင်ဗဟိုကင်းမှ သေနတ်(၂)ချက် ပစ်ဖောက်ခဲ့သည်။
အကျဉ်းထောင်ဝန်ထမ်း တပွင့်အရာရှိ တေဇာဝင်း ၏ မိန့်ပေးစေခိုင်းမှုဖြင့် ထောင်ဝန်ထမ်း ဥက္ကာမိုး ပါ(၂)ဦးနှင့် အခြားရာဇဝတ်အကျဉ်းသား စူပါဖိုး၊အခန်းစာရေးငတိ ပါအဖွဲ့တို့မှ ဝါးဆစ်တုတ်များ၊ သစ်သားတုတ်များ၊ ဓါးများကိုင်ဆောင်ပြီး နိုင်ငံရေးအကျဉ်းသားများအား ဝင်ရောက်ရိုက်နှက်ပြီး ခြိမ်းခြောက်မှုပြုလုပ်ခဲ့သည်။
ဝင်ရောက်ရိုက်နှက်မှုကြောင့် နိုင်ငံရေးအကျဉ်းသား(၅)ဦးမှာ ဖူးယောင်ဒဏ်ရာ၊ ဦးခေါင်းပေါက်ပြဲဒဏ်ရာ၊ ခြေထောက် ပေါက်ပြဲ ပွန်းပဲ့ဒဏ်ရာများ ရရှိခဲ့ကြသည်။
နိုင်ငံရေးအကျဉ်းသားများမှ မတရားဖိနှိပ်မှုမပြုရန်နှင့် ဥပဒေနှင့်အညီ ဖြေရှင်းဆောင်ရွက် အရေးယူပေးရန် ဆက်လက်တောင်းဆိုထားကြပြီး နိုင်ငံရေးအကျဉ်းသားများနှင့်အတူ ရပ်တည်သွားမည်ဟု မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှထုတ်ပြန်သည်။
၂ဝ၂၁ ခုနှစ် ဖေဖော်ဝါရီလ ၁ ရက်နေ့ မတရားစစ်အာဏာလုမှုဖြစ်စဉ် စတင်ချိန်မှ ၂ဝ၅ ခုနှစ် ဖေဖော်ဝါရီလ ၂၁ ရက်နေ့ အထိ စစ်ကောင်စီ၏ ဖမ်းဆီးခံခဲ့ရသူ စုစုပေါင်း (၂၈၆၃၇) ဦးရှိပြီး ထိုအထဲမှ (၂၁၈၈၇) ဦးမှာ ထိန်းသိမ်းခံနေရဆဲဖြစ်ကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ) မှထုတ်ပြန်သည်။
Website(Blog) https://www.bagannews.org/
Facebook https://www.facebook.com/Bagannewstv
Telegram https://t.me/bagannews
Comments
Post a Comment