တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
ထိုင်းနိုင်ငံ၊ စမွတ်စခွန်ခရိုင်၊ မဟာချိုင်တွင် မြန်မာရွှေ့ပြောင်း အလုပ်သမားများအား ကူညီမှုပေးနေသည့် AAC ရွှေ့ပြောင်း အလုပ်သမားများ ကယ်ဆယ်ရေးဂေဟာကို ဒေသခံထိုင်းအာဏာပိုင်များ မှ ယနေ့ ဖေဖော်ဝါရီလ ၂ဝ ရက်နေ့တွင် ချိတ်ပိတ်ကြောင်းစာကပ်ခဲ့သည်။
AAC ဂေဟာအား ဖေဖော်ဝါရီလ ၁၈ ရက်နေ့တွင် ထိုင်းအာဏာပိုင်များက ဝင်ရောက်စစ်ဆေးကာ ပိတ်သိမ်းခိုင်းခဲ့ခြင်းဖြစ်ပြီး ယနေ့တွင် ချိတ်ပိတ်ကြောင်း လာရောက်စာကပ်ခဲ့ခြင်းဖြစ်သည်။
"AAC-ဂေဟာကိုဆက်လက်အသုံးပြုပါက ထိုင်းဥပဒေနှင့်အညီအရေးယူသွားဖြစ်ဖြစ်ကြောင်း ဒီကနေ့လာရောက် တားမြစ်သွားပါကြောင်း အသိပေးလိုက်ရပါတယ်" ဟု AAC-မဟာမိတ်အဖွဲ့ ဒါရိုက်တာ ဦးခိုင်ကြီးကပြောသည်။
ဌင်းဂေဟာအား ဆက်လက် အသုံးပြုပါက (၃) လထက်မပိုသောထောင်ဒဏ်ချမှတ်နိုင်မည်ဖြစ်ပြီး (သို့မဟုတ်) ဘတ် ( ၆) သောင်းထက်မပိုသောဒဏ်ငွေပေးဆောင်ရမည်ဖြစ်ကာ ပြစ်ဒဏ်(၂) မျိုးလုံးချမှတ်ခံရနိုင်မည်ဖြစ်သည်။
အကယ်၍ အလုပ်သမားများယာယီကယ်ဆယ်ရေးစခန်းအား ဥပဒေနှင့် မညီဘဲ ဆက်လက်အသုံးပြုနေပါက တစ်ရက်လျှင် ဘတ်(တစ်) သောင်း ထက်မပိုသောဒဏ်ငွေပေးဆောင်ရမည်ဖြစ်သည်ဟု ဖော်ပြထားသည်။
AAC ဂေဟာတွင် ခိုလှုံနေကြသူ ၁ဝဝ ဝန်းကျင်ရှိပြီး လုပ်ခလစာ မရရှိကြသူများ၊ လုပ်ငန်းခွင်အတွင်း ထိခိုက်ဒဏ်ရာရရှိထားများ၊နစ်နာကြေး မရရှိထားသူများ၊ အလုပ်ရှင်၊ အလုပ်သမား အငြင်းပွားမှု ပြသာနာဖြစ်ပွားနေသူများ၊ MOU စနစ်ဖြင့်လာရောက်ကာ အလုပ်မရပဲ နေထိုင်ဖို့ အခက်အခဲရှိသူများ နှင့် သက်ကြီရွယ်အိုများပါဝင်သည်။
ကယ်ဆယ်ရေးဂေဟာတွင် လာရောက်နေထိုင်သူအများစုမှာ နှစ်နိုင်ငံနားလည်မှု စာချွန်လွှာ (MOU) နှင့် လာရောက်လုပ်ကိုင်သည့် အလုပ်သမားများ အများစုဖြစ်သည့် အတွက် အကူအညီရရှိစေရန် မြန်မာသံရုံး သို့ပို့ဆောင်လိုက်ကြောင်း AAC မှသိရသည်။
အလုပ်သမားများအနေနှင့် မြန်မာသံရုံးနှင့် အလုပ်သမားများအား ပို့ဆောင်ပေးခဲ့ သည့် MOU အေဂျင်စီများထံမှ အကူအညီရရှိစေရန်တောင်းဆို သင့်ကြောင်း မြန်မာရွှေ့ပြောင်း အလုပ်သမားအရေးဆောင်ရွက်သူ တဦးကပြောသည်။
Comments
Post a Comment