တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
စစ်ကောင်စီတပ်ထိန်းချုပ်ထားသည့် ရှမ်းပြည်နယ်၊ မူဆယ်မြို့တွင် ပြီးခဲ့သည့်နှစ် ဒီဇင်ဘာလ တစ်လအတွင်း ပိုင်ရှင်မဲ့ ရုပ်အလောင်း (၆)လောင်းတွေ့ရှိပြီးလုယက်ဓားပြတိုက်မှု (၃)ကြိမ် ဖြစ်ပွားခဲ့ကြောင်း တအာင်းတပ်မတော် TNLA မှထုတ်ပြန်သည်။
၂ဝ၂၄ ခုနှစ် ဒီဇင်ဘာလ (၉)ရက်တွင် ပိုင်ရှင်မဲ့ ရုပ်အလောင်း (၂)လောင်း၊ ဒီဇင်ဘာ (၁၂)ရက်မှ ရုပ်အလောင်း (၃)လောင်းနှင့် ဒီဇင်ဘာလ (၂၅) ရက်မှ ရုပ်အလောင်း (၁)လောင်း တွေ့ရှိခဲ့ပြီး ၎င်းရုပ်အလောင်းများအားလုံးသည် မူးယစ်ဆေးဝါး သုံးစွဲသူများဖြစ်ကြောင်းသိရသည်။
၂ဝ၂၄ ခုနှစ် ဒီဇင်ဘာလ (၂၁)ရက်တွင် ဟိုမွန်ရပ်ကွက်ရှိ အလှပြင်ဆိုင်တစ်ဆိုင်သို့ အမျိုးသမီးတစ်ဦးမှ ခေါင်းလျှော်နေစဉ် အမျိုးသားတစ်ဦးက ကားရွေ့ပေးမည်ဟုဆိုကာ ကားသော့တောင်းယူရာမှ ကားမာင်းထွက်ပြေးသွားကြောင်းသိရသည်။
ထို့အပြင် ဒီဇင်ဘာလ (၂၂)ရက်လည်း ပစ္စည်းသွားပိုသည့် အမျိုးသမီး (၂)ဦးသည် ရွှေသမင်ကုန်းအဆင်းနားရောက်စဉ် အမျိုးသား (၂)ဦးက ဆိုင်ကယ်ရပ်ခိုင်းပြီး သေနတ်ဖြင့် ခြိမ်းခြောက်ကာ ဆိုင်ကယ်လုယူသွားခဲ့ကြောင်းသိရသည်။
၎င်းနောက် ဒီဇင်ဘာလ ၂၅ရက်တွင် ကားစီးလာသည့် တရုတ်အမျိုးသား (၂)ဦးသည် ဈေးရောင်းသည့် အမျိုးသမီး (၁)ဦးထံမှ ဓားပြတိုက်ပြီး ငွေများယူဆောင်သွားခဲ့ကြောင်းသိရသည်။
စစ်ကောင်စီတပ် ထိန်းချုပ်ထားသည့် တရုတ်-မြန်မာနယ်စပ် မူဆယ်မြို့တွင် လုယက်မှု၊ ဓားပြတိုက်မှု၊ ပြန်ပေးဆွဲမှုများ နေ့စဉ်နှင့်အမျှဖြစ်ပွားသော်လည်း စစ်ကောင်စီလက်အောက်ခံ ရဲတပ်ဖွဲမှ ကျူးလွန်သူများကို ထိရောက်စွာအရေးယူခြင်း မရှိကြောင်း TNLA မှထုတ်ပြန်သည်။
Comments
Post a Comment