တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
မွန်ပြည်နယ်၊ ဘီးလင်းမြို့နယ် တဂေးလောင်း ကျေးရွာစာသင်ကျောင်းအား စစ်ကောင်စီတပ်မှ လက်လုပ်အသေခံဒရုန်း (Suicide Drone) (၂)စင်းဖြင့် ပစ်ခတ်ဖျက်ဆီး ခဲ့ကြောင်း ကေအဲန်ယူ - ဒူးသထူခရိုင်မှသိရသည်။
ယမန်နေ့ ၊ဇန်နဝါရီလ (၁၆) ရက်နေ့ ညနေ (၅) နာရီဝန်းကျင်တွင် တဂေးလောင်း ကျေးရွာစာသင်ကျောင်းအား စစ်ကောင်စီတပ်မှ လက်လုပ်အသေခံဒရုန်း ဖြင့်ပစ်ခတ်ခဲ့ရာ ဒရုန်း တစင်းမှာ စာသင်ကျောင်းဆောင် ခေါင်မိုးအား ထိမှန်ခဲ့ပြီး နောက်တစင်းမှာ စာသင်ကျောင်းနှင့်မနီးမဝေးတွင်ကျရောက်ပေါက်ကွဲခဲ့ကြောင်းသိရသည်။
၎င်းပစ်ခတ်မှုကြောင့် စာသင်ကျောင်းဆောင်ခေါင်မိုးနှင့် မျက်နှာကျက်များ ပျက်စီးခဲ့ပြီး စာသင်ကျောင်းကိုလည်း ခေတ္တပိတ်ထားခဲ့ကြောင်း သိရသည်။
အထက်ပါ အသေခံဒရုန်း(Suicide Drone) (၂)စင်းသည် ခန့်မှန်ချက်အရ ကမမောင်း စစ်ကောင်စီတပ်စခန်းဖက်မှပျံသန်းခြင်း ဖြစ်နိုင်ပြီး ကျေးရွာစာသင်ကျောင်းနှင့် လူနေထိုင်ရာရပ်ရွာထဲသို့ ရည်ရွယ်ချက်ရှိရှိ ပစ်ခတ်ခြင်းဖြစ်ကြောင်း ကေအဲန်ယူ - ဒူးသထူခရိုင်မှထုတ်ပြန်သည်။
ဓာတ်ပုံ - ကေအဲန်ယူ - ဒူးသထူခရိုင်
Comments
Post a Comment