တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
ကရင်ပြည်နယ် ဇွဲကပင်တောင်တန်းတွင် တောပန်းထိမ်ငို ပန်းမျိုးစိတ်သစ်တမျိုးကိုတွေ့ရှိခဲ့ကြောင်း မြန်မာ့ဇီဝမျိုးစိတ်များ(သတ္တဝါများနှင့်အပင်များ)အား အမျိုးအစားခွဲခြားခြင်းပြုလုပ်နေသည့် Native Species Conservation & Identification အဖွဲ့မှ ထုတ်ပြန်သည်။
"ကမ္ဘာမှာ မြန်မာမှာပဲ တွေ့ရသော၊ မြန်မာမှာမှ ဇွဲကပင်တောင်မှာပဲ တွေ့ရသော တောပန်းတိမ်ငိုပန်းလေးမို့ ဇွဲကပင်ပန်းတိမ်ငိုလို့ နာမည်ပေးလိုက်ပါတယ်။ အရင်တစ်ခေါက်က ကရင်ကြွေပန်းလေးကို နာမည်ပေးခဲ့သလိုပါပဲ၊ အခုတခါမှတော့ ကရင်ထပ်မသုံးပဲ ဇွဲကပင်တောင်ကြီးကို အစွဲပြု နာမည်မှည့်ခဲ့ပါတယ်။ ဒါကြောင့်သူ့နာမည်က Globba zwegabinensis ပေါ့"ဟု ဌင်းအဖွဲ့ကပြောသည်။
 |
| Photo - NSCI |
တောပန်းထိမ်ငိုပန်း အများစုသည် အနိမ့်ပိုင်းများတွင် ပေါက်ရောက်ကြပြီး ဇွဲကပင်ပန်းထိမ်ငိုပန်း သည် ထုံးကျောက်တောင်ထိပ်ပိုင်း ပင်လယ်ရေမျက်နှာပြင်အမြင့် မီတာ ၇၀၀ (၂၂၉၆ ပေ)ရှိ ထုံးကျောက်သားတွေကြားမှာ တိုးဝင်ပေါက်ရောက်နေကြသည်ကိုတွေ့ရကြောင်း NSCI အဖွဲ့ကထုတ်ပြန်သည်။
"ဒီအပင်မျိုးစိတ်ကို ဇွဲကပင်တောင်ထိပ်မှာ ၃ နေရာ ၄နေရာလောက်မှာပဲ တွေ့ရပါတယ်။ ကျန်တဲ့ နေရာတွေ ရှိအုံးမလားဆိုတာတော့ ပြန်လေ့လာရပါဦးမယ်"ဟု NSCI အဖွဲ့ကဆိုသည်။
 |
| Photo - NSCI |
ပန်းထိမ်ငိုပန်း မျိုးစိတ်ပေါင်းသည် တစ်ကမ္ဘာလုံးတွင် ၁၄၀ မျိုးရှိပြီး မြန်မာနိုင်ငံ၌ အားလုံးစုစုပေါင်း၏ ၅ ပုံ ၁ ပုံ အရေအတွက်ရှိကြောင်းသိရသည်။
မြန်မာနိုင်ငံတွင် ယခု ဇွဲကပင်ပန်းထိမ်ငိုပန်းအပါ ၂၈ မျိုး ရှိကြောင်းသိရသည်။
ဇွဲကပင်ပန်းထိမ်ငိုပန်းသည် ဇွဲကပင်တနေရာ၌သာတွေ့ရကြောင်း ပထမဆုံးမှတ်တမ်း တင်နိုင်ခဲ့သည်ဟု NSCI အဖွဲ့ကဆိုသည်။
Comments
Post a Comment