တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
တောင်ပိုင်းစစ်ဒေသ ဗျူဟာ ၃၂ တိုက်ပွဲများတွင် စစ်ကောင်စီတပ်သား ၄ဝဝ ကျော်သေဆုံး တော်လှန်ရေး ရဲဘော် ၄ဝ ကျဆုံး
အမျိုးသားညီညွတ်ရေးအစိုးရ၊ ပြည်သူ့ကာကွယ်ရေးတပ်မတော်၊ တောင်ပိုင်းစစ်ဒေသ၊ ဗျူဟာ ၃၂ နယ်မြေတွင် ၂၀၂၄ ခုနှစ် ဖြစ်ပွားခဲ့သည့် တိုက်ပွဲများတွင် စစ်ကောင်စီတပ်သား (၄၁၃) ဦး သေဆုံးကာ တော်လှန်ရေးပူးပေါင်းတပ်ဖွဲ့ဘက်မှ ရဲဘော် (၄ဝ) ဦးကျဆုံး ခဲ့ကြောင်း တောင်ပိုင်းစစ်ဒေသမှ သတင်းထုတ်ပြန်သည်။
NUG ၏ တောင်ပိုင်းစစ်ဒေသနယ်မြေတွင် ကရင်ပြည်နယ်၊မွန်ပြည်နယ်နှင့် ပဲခူးတိုင်းတို့ပါဝင်သည်။
စစ်ဒေသခွဲ အမှတ် ၃ ဗျူဟာ ၃၂ စစ်ကြောင်းများတွင် ကော်ဘရာစစ်ကြောင်း၊ ကျားသစ်နက်စစ်ကြောင်းနှင့် Venom စစ်ကြောင်းတော်လှန်ရေးပူးပေါင်းတပ်ဖွဲ့များနှင့် ပူးပေါင်းကာ ၂၀၂၄ ခုနှစ်အတွင်း တိုက်ပွဲများဖော်ဆောင်ခဲ့ကြောင်း တောင်ပိုင်းစစ်ဒေသမှသိရသည်။
၂၀၂၄ ခုနှစ်အတွင်း တောင်ပိုင်းစစ်ဒေသ၊ ဗျူဟာ ၃၂ ပူးပေါင်းတပ်ဖွဲ့များနှင့် စစ်ကောင်စီတပ်တို ထိတွေ့တိုက်ပွဲပေါင်း (၈၈) ကြိမ်ရှိခဲ့ပြီး စစ်ကောင်စီတပ်၏ တပ်ရင်း ၃ ရင်း၊ ဗျူဟာ (၁)ဗျူဟာနှင့် ကာကင်းတပ်စခန်းငယ် (၁၁)ခုတို့ကို အောင်မြင်စွာ တိုက်ခိုက်သိမ်းပိုက်နိုင်ခဲ့ကြောင်းသိရသည်။
၎င်းတိုက်ပွဲများအတွင်း စစ်ကောင်စီတပ်သား (၄၁၃) ဦး သေဆုံးကာ (၃၁၄) ဦး ဒဏ်ရာရခဲ့ကြောင်း တောင်ပိုင်းစစ်ဒေသမှသိရသည်။
စစ်ကောင်စီတပ်၏ လက်နက်ကြီး၊ လက်နက်ငယ်နှင့် ခဲယမ်းများစွာကိုလည်း ပူးပေါင်းတပ်ဖွဲက သိမ်းဆည်းရမိခဲ့ပြီး တနှစ်အတွင်း စစ်ကောင်စီတပ်သားဦးရေ လက်နက်ဖြင့် (၁၇)ဦး၊ လက်နက်မဲ့ (၆)ဦး စုစုပေါင်း (၂၃)ဦး အလင်းဝင်ရောက်ခဲ့ကြောင်းသိရသည်။
ထို့အပြင် တိုက်ပွဲများအတွင်း စစ်သုံပန်း (၂၁) ဦး ဖမ်းဆီးရမိခဲ့ပြီး ၎င်းတို့အား ကောင်းမွန်စွာ ထိန်းသိမ်းစောင့်လျှောက်ထားသည်။
ထိတွေ့တိုက်ပွဲများတွင် စစ်ကောင်စီတပ်ဘက်က လေကြောင်းပစ်ကူ အကြိမ် (၁ဝဝ) ကျော်နှင့် လက်နက်ကြီးပစ်ကူ အကြိမ်ရေ (၆၃၇၄) ကြိမ်နှင့်အထက် ရှိခဲ့ရာ တော်လှန်ရေးပူးပေါင်းတပ်ဖွဲဘက်မှ ရဲဘော် (၄ဝ) ဦး ကျဆုံးခဲ့ပြီးထိခိုက်ဒဏ်ရာရသူ (၁၉ဝ) ဦး ရှိခဲ့ကြောင်း သိရသည်။
Photo - တောင်ပိုင်းစစ်ဒေသ၊ မြဝတီမြို့နယ် ၊ လေးကေ့ကော်မြို့သစ် အနီးရှိ စစ်ကောင်စီတပ်၏ စွယ်တော်ကုန်း လက်နက်ကြီး ဗျူဟာတပ်စခန်းအား ၂ဝ၂၄ ခုနှစ်၊ အောက်တိုဘာလ ၁၇ ရက်နေ့ တွင်သိမ်းပိုက်ခဲ့သည့်မှတ်တမ်း။
Comments
Post a Comment