တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
၂၀၂၁ ခုနှစ် ၊ ဖေဖော်ဝါရီလ ၁ ရက်နေ့ စစ်အာဏာလုမှုဖြစ်စဉ် စတင်ချိန်မှ ၂၀၂၅ ခုနှစ် ၊ ဇန်နဝါရီလ ၉ ရက်နေ့ အထိ စစ်အုပ်စုနှင့် ၎င်း၏လက်ပါးစေများကြောင့် နွေဦးတော်လှန်ရေးကာလအတွင်း သေဆုံးခဲ့သည့် ဒီမိုကရေစီရေး လှုပ်ရှားသူများနှင့် ပြည်သူစုစုပေါင်းမှာ (၆၁၂၉) ဦး ရှိပြီဖြစ်ကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ)မှထုတ်ပြန်သည်။
ထို့အပြင် အာဏာလုမှုဖြစ်စဉ်နှင့် ဆက်စပ်၍ ဖမ်းဆီးခံခဲ့ရသူ စုစုပေါင်း (၂၈၁၇၃) ဦးရှိပြီး ထိုအထဲမှ (၂၁၄၆၆) ဦးမှာ ထိန်းသိမ်းခံနေရဆဲဖြစ်ကာ ထိန်းသိမ်းခံနေရသူများအနက်မှ (၉၉၃၁) ဦးမှာ ထောင်ဒဏ်ချမှတ်ခံထားရသည်။
.jpg) |
| ဓာတ်ပုံ - ရှမ်းပြည်နယ်၊ နောင်ချိုမြို့နယ် ဆီစုံကျေးရွာအား စစ်ကောင်စီတပ်မှ လေကြောင်းဖြင့်ဗုံးကြဲမှုမှတ်တမ်း။ (Photo - TNLA) |
ဌင်းပြင် ၂၀၂၄ ခုနှစ်၊ ဇန်နဝါရီလ ၁ ရက်နေ့မှ ဒီဇင်ဘာလ ၃၁ ရက်နေ့အထိ နိုင်ငံတဝန်း၌ စစ်အုပ်စုကြောင့် လိင်စိတ်ခံယူမှုကွဲပြားသူ (၁) ဦး၊ အမျိုးသမီး (၆၂၈) ဦးနှင့် အမျိုးသား (၁၁၉၄) ဦး စုစုပေါင်း (၁၈၂၃) ဦး သေဆုံးခဲ့ပြီးအသက် ၁၈ နှစ်အောက် ကလေးငယ် (၂၄၈) ဦး ပါဝင်ကြောင်း အေအေပီပီမှထုတ်ပြန်သည်။
ဌင်းအနက် လေကြောင်းဖြင့် တိုက်ခိုက်မှုကြောင့် အများဆုံး သေဆုံးသူ (၆၄၁) ဦး နှင့် လက်နက်ကြီးဖြင့် ပစ်ခတ်မှုကြောင့် ဒုတိယသေဆုံးသူ အရေအတွက် (၅၂၅) ဦး ပါဝင်ကြောင်းသိရသည်။
ထို့ပြင် တနှစ်တာကာလအတွင်း နိုင်ငံတဝန်း၌ စစ်အုပ်စုက လိင်စိတ်ခံယူမှုကွဲပြားသူ (၁) ဦး၊ အမျိုးသမီး (၂၁၅) ဦးနှင့် အမျိုးသား (၅၅၀) ဦး စုစုပေါင်း (၇၆၆) ဦးကို ဖမ်းဆီးထိန်းသိမ်းခဲ့ပြီး ရန်ကုန်တိုင်းမှ (၂၀၈) ဦး ဖြင့် အများဆုံး ဖမ်းဆီးခံခဲ့ရကြောင်းသိရသည်။
ဌင်းကာလအတွင်း စစ်အုပ်စု၏ လက်အောက်ခံ တရားရုံးများက မတရားပုဒ်မများဖြင့် ထောင်ဒဏ်ချမှတ်ခံခဲ့ရသူ အမျိုးသမီး (၁၂၆) ဦးနှင့် အမျိုးသား (၅၀၇) ဦး စုစုပေါင်း (၆၃၃) ဦး ရှိခဲ့ပြီး ထိုအထဲတွင် ထောင်ဒဏ်တသက်တကျွန်း ချမှတ်ခံထားရသူ (၄၈) ဦးနှင့် သေဒဏ်ချမှတ်ခံထားရသူ (၆) ဦး ပါဝင်အေအေပီပီမှထုတ်ပြန်သည်။
Comments
Post a Comment