တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
မန္တလေးတိုင်း၊ ညောင်ဦးမြို့နယ် ပုဂံရှေးဟောင်ယဉ်ကျေးမှုနယ်မြေရှိ ဘုရားများ အနီးတွင် လမ်းဖောက်ခြင်း အကြောင်းပြကာ မြေများတူးဖော်နေကြောင်းဒေသခံများမှသိရသည်။
ပုဂံရှေးဟောင်းဘုရားများ အနီးတွင် မြောင်းများတူးဖော်ခြင်း၊ မြေလှန်ခြင်းများအား ဒီဇင်ဘာလ ၄ ရက်နေ့အထိး ဗူးလည်သီးမှ စူဠာမဏိတူးဖော်နေပြီး တောင်ဘီ၊ ယင်မနားဘုရားတဝှိုက်တွင်လည်း ပြုလုပ်နေကြောင်း ရှေးဟောင်းသုတေသန ပညာရှင်တဦးက လူမှုကွန်ရက်တွင် ယမန်နေ့ကရေးသားသည်။
"တောင်ဘီ၊ ယင်မနားဘုရားတဝှိုက် လမ်းဖောက် မြောင်းတူး အကြောင်းပြပြီး မြေလှန်နေကြတာမှာ ပန္နက်ခုံတွေ၊ အုတ်ဖိနပ်ခုံတွေ အတော်များများထိပါသတဲ့" ဟုဌင်းကရေးသားသည်။
ပုဂံရှေးဟောင်ယဉ်ကျေးမှုနယ်မြေတွင် မိုးသည်းထန်စွာရွာသွန်းမှုကြောင့် ပြီးခဲ့သည့်စက်တင်ဘာလအတွင်းကလည်း ရှေးဟောင်းအဆောက်အအုံ (၉) လုံး ပြိုကျထိခိုက်ပျက်စီးခဲ့သည်။
၂၀၁၉ ခုနှစ်တွင် ကမ္ဘာ့အမွေအနှစ် ယူနက်စကိုစာရင်းဝင်ခဲ့သည့် ပုဂံရှေးဟောင်းယဉ်ကျေးမှုနယ်မြေတွင် တည်ဆဲဥပဒေများချိုးဖောက်ပြီး ရှေးဟောင်းမြေများတွင် ဟော်တယ် အဆောက်အအုံများ တိုးချဲ့ဆောက်လုပ်ခြင်း၊ စေတီဘုရားနံရံများတွင် သံရိုက် မီးသွယ်ခြင်း၊ စေတီများအနီးတွင် လျှော်ဖြူပင်များ စိုက်ပျိုးခြင်း၊ စက်ကြီးများဖြင့် ရေမြောင်းများ တူးဖော်ခြင်း၊ မူလလက်ရာ သဲကျောက်ပြားများ ဖယ်ပြီး အဖြူရောင်စကျင်ကျောက်များခင်းခြင်း များပြုလုပ်နေကြောင်း ဒေသခံများမှသိရသည်။
Video - Zay Myo Lin / FB
Comments
Post a Comment