တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
ပဲခူးတိုင်း၊ ညောင်လေးပင်ခရိုင်(ခလယ်လွီထူခရိုင်) အတွင်းတွင် စစ်ကောင်စီတပ်မှ စစ်ကြောင်းထိုးကာ ပစ်ခတ်မှုများကြောင့် ကျေးရွာပေါင်း(၄)ရွာမှ လူဦးရေ စုစုပေါင်း(၂,၅၆ဝ) ဦး စစ်ဘေးရှောင်နေရကြောင်း ကေအဲန်ယူ-ဗဟိုမှထုတ်ပြန်သည်။
မူးမြို့နယ်၊အုန်းပင်စုကျေးရွာတွင် နေရာယူထားသော စစ်ကောင်စီတပ်သည် ဒီဇင်ဘာလ (၅)ရက်နေ့၌ ထွနီကုန်းကျေးရွာသို့ လက်နက်ကြီး (၃)လုံး၊ ရေလဲဗမာကျေးရွာသို့ လက်နက်ကြီး (၃)လုံး၊ ဒီဇင်ဘာလ(၆)ရက်နေ့၌ ပရဲစီ(မရမ်းစိန်)ကျေးရွာသို့ လက်နက်ကြီး(၁)လုံး စုစုပေါင်း(၇)လုံး ပစ်ခတ်ခဲ့ကြောင်း သိရသည်။
ယင်းပစ်ခတ်မှုကြောင့် ရေလဲဗမာကျေးရွာတွင် လာရောက်ခိုလှုံသည့် ဥသျှစ်ကုန်းကျေးရွာသား တဦး လက်နက်ကြီးစ ထိမှန်ဒဏ်ရာရရှိခဲ့ကြောင်း ကေအဲန်ယူ-ဗဟိုမှထုတ်ပြန်သည်။
 |
| ဓာတ်ပုံ - မူးမြို့နယ်၊လယ်ဒိုမြို့နယ်နှင့် ဆောထိမြို့နယ်တို့တွင် စစ်ကောင်စီတပ်မှ ပစ်ခတ်မှုကြောင့် ပျက်စီမှုများ။ |
ဌင်းပြင် ဆောထိမြို့နယ်တွင် တော်ဝိကျေးရွာမှ နေရာယူထားသော စစ်ကောင်စီတပ်သည် ဂွေးကုန်းကျေးရွာသို့ ဒီဇင်ဘာလ(၅)ရက်နေ့မှ ဒီဇင်ဘာလ(၇)ရက်နေ့အတွင်း ဒရုန်းဖြင့် လက်နက်ကြီးစုစုပေါင်း(၁၃)လုံးပစ်ခတ်ခဲ့ကြောင်း သိရသည်။
တယောလူစခန်း ရှိ ခလရ-၅၇ မှလည်း ကဇင်းပင်ဗုဒ္ဓဘာသာဘုန်းကြီးကျောင်းဝန်းအား လက်နက်ကြီး ၈၁ မမ(၂)လုံး၊ ဒီဇင်ဘာလ(၈)ရက်နေ့တွင် ပိန်းဇလုပ်အခြေစိုက်တပ် ခလရ-၂၆၄ မှ ပျဉ်ရေကြီးကျေးရွာသို့ ဟောင်ဝစ်ဇာလက်နက်ကြီး ၁၂၂ မမ(၄)လုံး စုစုပေါင်း(၆)လုံး ပစ်ခတ်ခဲ့ကြောင်းသိရသည်။
ဒီဇင်ဘာလ (၇)ရက်နေ့ကလည်း စစ်ကောင်စီတပ်မှ ကျေးရွာတွင်းသို့ စစ်ကြောင်းထိုးဝင်ရောက်လာခြင်းကြောင့် ကရင်အမျိုးသားလွတ်မြောက်ရေးတပ်မတော်-KNLA တပ်ရင်း(၇)လက်အောက်ရှိ တပ်ဖွဲ့များနှင့် ရေဖြူကန်ကျေးရွာတွင် တိုက်ပွဲဖြစ်ပွားခဲ့ကြောင်းသိရသည်။
ထိုသို့ စစ်ကောင်စီတပ်မှ ကျေးရွာများအတွင်းသို့ စစ်ကြောင်းထိုးဝင်ရောက်လာခြင်းကြောင့် (၁)ချုံအင်းကျေးရွာ၊ (၂)ဂွေးကုန်းကျေးရွာ၊ (၃)ကောက်မယ့်သူကျေးရွာ၊ (၄)ရေဖြူကန်ကျေးရွာမှ ပြည်သူ စုစုပေါင်း(၂,၅၆ဝ)ဦး ဘေးလွတ်ရာ ထွက်ပြေးနေရကြောင်း ကေအဲန်ယူ-ဗဟိုမှထုတ်ပြန်သည်။
Comments
Post a Comment