မန္တလေးမြို့ရှိ အိုးဘိုထောင်တွင် မတ်လ ၂၈ ရက်နေ့က ငလျင်ဒဏ်ကြောင့် ၄ ဦးသေဆုံးခဲ့ပြီး ထိခိုက်ဒဏ်ရာ ပြင်းထန်သူများအား ဆေးကုသခွင့် ကန့်သတ်ခြင်းခံနေရကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှထုတ်ပြန်သည်။ ငလျင်ကြောင့် အိုးဘိုထောင်ရှိ အမျိုးသမီးအဆောင်များဖြစ်သည့် အဆောင်(၁)/(၂)နှင့် အမျိုးသမီးဆေးရုံဆောင်များပြိုကျပျက်စီးခဲ့ပြီး အမျိုးသားအဆောင်အလုပ်ရုံအပါအဝင် အဆောင်များနှင့် ကာရံထားသည့် အုတ်ရိုးများပြိုကျခဲ့သည်။ ထို့ပြင်ငလျင်ကြောင့် စိုးရိမ်ရသူ(၉)ဦးရှိပြီး ဆေးရုံတက်ရန်လိုအပ်သူ(၄ဝ)ကျော်ရှိသည်။ အချို့ထိခိုက်ဒဏ်ရာများသည် အကျဉ်းထောင်များတွင် ကုသရန်မလွယ်ကူ၍ ပြင်ပဆေးရုံသို့ ပို့ဆောင်ရန် လိုအပ်လျှက်ရှိသော်လည်း ကုသခွင့်မရပဲ ယနေ့အချိန်ထိ ကန့်သတ်ခံထားရကြောင်း PPNMမှထုတ်ပြန်သည်။ ထို့အပြင် ထိခိုက်ဒဏ်ရာရရှိသူများမှာ မိသားစုဝင်များနှင့် ဆက်သွယ်တွေ့ဆုံခွင့်မရသည့် အခြေအနေများလည်း ရင်ဆိုင်ကြုံတွေ့နေရသည်။ အိုးဘိုထောင်တွင် ဆေးဝါးလိုအပ်ချက်များစွာရှိနေပြီး အရက်ပြန်၊ဂွမ်း၊အနာကျက်ဆေးရည်၊ပတ်တီး စသည့် ဆေးဝါးပစ္စည်းများလိုအပ်လျှက်ရှိကြောင်း PPNMမှထုတ်ပြန်သည်...
မြန်မာ-တရုတ်နယ်စပ် စစ်ကောင်စီထိန်းချုပ်ထားသည့် မူဆယ်မြို့တွင် တရုတ်နိုင်ငံ ရွှေလီမြို့၌ အလုပ်လုပ်ရန် ပွဲစားမှ ခေါ်ယူထားသည့် အလုပ်သမား (၅ဝဝ) ကျော်သည် အလုပ်မရပဲ မြိုတွင်း ပိတ်မိပြီး အခက်ကြုံတွေ့နေကြရကြောင်း တအာင်းတပ်မတော် TNLA ကထုတ်ပြန်သည်။
မြန်မာနိုင်ငံအောက်ပိုင်းရှိ ပြည်သူများကို ပွဲစားမှ တစ်ဆင့် တရုတ်နိုင်ငံတွင် အလုပ်ကောင်း လစာကောင်းရရှိမည်ဖြစ်ကြောင်း မက်လုံးပေးအယုံသွင်းပြီး ခေါ်ယူထားသည့် အလုပ်သမား (၅ဝဝ) ကျော်ဖြစ်ကြောင်း သိရသည်။
အလုပ်သမား (၅ဝဝ)ကျော်တွင် အသက် (၂ဝ)ကျော်အရွယ် အမျိုးသမီးအများဆုံးပါဝင်ပြီး ၎င်းတိုအား မူဆယ်မြို့တွင်းရှိ ကားကြီးကွင်းဂိုဒေါင်းတွင် ပိတ်လှောင်ခံထားရသည့်အပြင် ရပ်ကွက်အချို့ရှိ ဂိုဒေါင်းများတွင်လည်း အများအပြားပိတ်လှောင်ခံထားရကြောင်းသိရသည်။
ပိတ်လှောင်ခံထားရသူများသည် (၃)လကျော်သည့် ယနေ့အချိန်ထိ အလုပ်မရရှိသေးဘဲ ပိတ်လှောင်ခံထားရဆဲ ဖြစ်ကြောင်း TNLA ကထုတ်ပြန်သည်။
လက်ရှိတွင် အလုပ်ပွဲစားမှ ၎င်းတို့ကို ဂိုဒေါင်းအတွင်းပိတ်လှောင်ထားပြီး အစားပုံမှန်မကျွေးဘဲ နေရပ်သို့ပြန်လိုသူများကိုလည်း လျော်ကြေး သိန်း(၆၀) တောင်းနေကြောင်းသိရသည်။
ပိတ်လှောင်ခံထားရသူများအတွင်း ထွက်ပြေးလွတ်မြောက်လာသူအချို့ရှိသလို ကျန်ရစ်နေသူများလည်း လွတ်မြောက်ရန် အကူအညီမဲ့နေသည်ဟုထုတ်ပြန်ချက်တွင်ပါရှိသည်။
လူငယ်လူလတ်များ အထူးသတိပြုရန်လိုအပ်ပြီး တရုတ်နိုင်ငံသို အလုပ်သွားရောက်လုပ်ကိုင်လိုပါက ယုံကြည်စိတ်ချရသည့် ဆွေမျိုး (သို့) မိတ်ဆွေများရှိမှသာလျှင် သွားသင့်ကြောင်း TNLA ကထုတ်ပြန်သည်။
Comments
Post a Comment