တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
ရှမ်းပြည်နယ်၊ မူဆယ်မြို့တွင် နိုဝင်ဘာလ (၁)လအတွင်း၌ ပိုင်ရှင်မဲ့ ရုပ်အလောင်း (၁ဝ)လောင်းတွေ့ရှိခဲ့ကြောင်း တအာင်းတပ်မတော် TNLA မှထုတ်ပြန်သည်။
အဆိုပါ ရုပ်အလောင်းများအား မူဆယ်မြို့အတွင်းရှိ ရပ်ကွက်များအတွင်း တွင်တွေ့ရှိခဲ့ပြီး ရုပ်အလောင်း တလောင်းအား တရုတ်-မြန်မာနယ်စပ်ရွှေလီမြစ်ထဲတွင် တွေ့ရှိခဲ့ကြောင်း သိရသည်။
ပိုင်ရှင်မဲ့ ရုပ်အလောင်းများသည် မူးယစ်ဆေးဝါးသုံးစွဲသူ အများစုဖြစ်ပြီး အချို့သည် သတ်ဖြတ်ထားခံရသည့် ရုပ်အလောင်းများဖြစ်ကြောင်း TNLA မှထုတ်ပြန်သည်။
အလားတူ ပြီးခဲ့သည့် အောက်တိုဘာလတွင်လည်း မူဆယ်မြို့တွင် ပိုင်ရှင်မဲ့ရုပ်အလောင်း(၇) လောင်းတွေ့ရှိခဲ့ကြောင်း သိရသည်။
မူဆယ်မြို့သည် စစ်ကောင်စီထိန်းချုပ်နေသည့် မြို့တမြို့ဖြစ်ပြီး လောင်းကစား၊မူးယစ်သုံးစွဲမှု၊ ဓားပြတိုက်မှု၊ ခိုးမှုနှင့် လုယက်မှုများ ယခင်ထက် ပိုမိုများပြားလာကြောင်း သိရသည်။
Comments
Post a Comment