တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
စစ်ကိုင်းတိုင်း၊ မုံရွာမြို့မရဲစခန်းအချုပ်တွင် LGBTတစ်ဦးဖြစ်သူ နိုင်ငံရေးအကျဉ်းသား ဘုံဘုံသည် ဆေးရုံတက်ရောက်ကုသခွင့်မရပဲ ရောဂါပြင်းထန်စွာဖြင့် ကျဆုံးခဲ့ကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှထုတ်ပြန်သည်။
 |
| Photo - PPNM |
နိုင်ငံရေးအကျဉ်းသား ဘုံဘုံ သည် ဒီဇင်ဘာလ(၂၅)ရက်နေ့တွင် ကျောက်ကပ်ရောဂါနှင့် အတွင်းအကြောတက်ခြင်းဝေဒနာကို ပြင်းထန်စွာခံစားခဲ့ရပြီး ရဲစခန်းအချုပ်အတွင်း၌ ကျဆုံးခဲ့ခြင်းဖြစ်သည်။
နိုင်ငံရေးအကျဉ်းသား ဘုံဘုံ၏ ကျန်းမာရေးသည် နိုဝင်ဘာလ ဒုတိယအပတ်မှစ၍ ကျောက်ကပ်ရောဂါ ဝေဒနာဆိုးရွားလာခဲ့ပြီး ဆေးဝါးကုသခွင့်ရရန် မြို့မရဲစခန်းတာဝန်ရှိသူများအား တင်ပြခဲ့ကြောင်းသိရသည်။
မြို့မရဲစခန်း တာဝန်ရှိသူများသည် ဘုံဘုံအား ဆေးရုံသို့ ပို့ဆောင်ကုသခြင်းမပေးခဲ့ပဲ အချုပ်ခန်းတွင်း၌ပင် ဆလိုင်းချိတ်ကုသပေးမှုများသာ ယာယီပေး၍ ထပ်မံချုပ်နှောင်ထားခဲ့ကြောင်း PPNM ကထုတ်ပြန်သည်။
ဒီဇင်ဘာလ ဒုတိယအပတ်မှစ၍ ဘုံဘုံသည် ကျန်းမာရေးပိုမိုဆိုးရွားလာခဲ့ပြီးနောက် ယမန်နေ့ ဒီဇင်ဘာလ(၂၅)ရက်နေ့တွင် ကျဆုံးသွားခဲ့ကြောင်းသိရသည်။
ဘုံဘုံအား စစ်ကောင်စီ စစ်တပ် တပ်ဖွဲ့ဝင်စစ်သားနှင့်ရဲများမှ ၂၀၂၄ခုနှစ် ဖေဖော်ဝါရီလ (၂၄)ရက်နေ့တွင် မုံရွာမြို့ အောင်ဇေယျရပ်ကွက် အိုးရှင်းစင်တာအနီး ဖမ်းဆီးခဲ့သည်။
ဌင်းနောက် စစ်ကောင်စီက ပုဒ်မ ၅၀(ည)၊ပုဒ်မ ၅၂(က)၊ ၅၂(ခ)တို့ဖြင့် ယခုနှစ် ဒီဇင်ဘာလ(၂၃)ရက်နေ့တွင် ထောင်ဒဏ် ၁၀ နှစ်ချမှတ်ခဲ့သည်။
Comments
Post a Comment