မန္တလေးမြို့ရှိ အိုးဘိုထောင်တွင် မတ်လ ၂၈ ရက်နေ့က ငလျင်ဒဏ်ကြောင့် ၄ ဦးသေဆုံးခဲ့ပြီး ထိခိုက်ဒဏ်ရာ ပြင်းထန်သူများအား ဆေးကုသခွင့် ကန့်သတ်ခြင်းခံနေရကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှထုတ်ပြန်သည်။ ငလျင်ကြောင့် အိုးဘိုထောင်ရှိ အမျိုးသမီးအဆောင်များဖြစ်သည့် အဆောင်(၁)/(၂)နှင့် အမျိုးသမီးဆေးရုံဆောင်များပြိုကျပျက်စီးခဲ့ပြီး အမျိုးသားအဆောင်အလုပ်ရုံအပါအဝင် အဆောင်များနှင့် ကာရံထားသည့် အုတ်ရိုးများပြိုကျခဲ့သည်။ ထို့ပြင်ငလျင်ကြောင့် စိုးရိမ်ရသူ(၉)ဦးရှိပြီး ဆေးရုံတက်ရန်လိုအပ်သူ(၄ဝ)ကျော်ရှိသည်။ အချို့ထိခိုက်ဒဏ်ရာများသည် အကျဉ်းထောင်များတွင် ကုသရန်မလွယ်ကူ၍ ပြင်ပဆေးရုံသို့ ပို့ဆောင်ရန် လိုအပ်လျှက်ရှိသော်လည်း ကုသခွင့်မရပဲ ယနေ့အချိန်ထိ ကန့်သတ်ခံထားရကြောင်း PPNMမှထုတ်ပြန်သည်။ ထို့အပြင် ထိခိုက်ဒဏ်ရာရရှိသူများမှာ မိသားစုဝင်များနှင့် ဆက်သွယ်တွေ့ဆုံခွင့်မရသည့် အခြေအနေများလည်း ရင်ဆိုင်ကြုံတွေ့နေရသည်။ အိုးဘိုထောင်တွင် ဆေးဝါးလိုအပ်ချက်များစွာရှိနေပြီး အရက်ပြန်၊ဂွမ်း၊အနာကျက်ဆေးရည်၊ပတ်တီး စသည့် ဆေးဝါးပစ္စည်းများလိုအပ်လျှက်ရှိကြောင်း PPNMမှထုတ်ပြန်သည်...
မန္တလေးတိုင်း၊ ညောင်ဦးမြို့၊ မြင်းကပါကျေးရွာရှိ ပုဂံရှေးဟောင်းယဉ်ကျေးမှုနယ်မြေအတွင်း၌ ရှေးဟောင်းရွှေထည်ပစ္စည်းများအား အပ်နှံခြင်းမရှိဘဲ ထုခွဲရောင်းချခဲ့သူများအား ဖမ်းဆီးခဲ့ကြောင်း စစ်ကောင်စီက သတင်းထုတ်ပြန်သည်။
၂၀၂၄ ခုနှစ်၊ စက်တင်ဘာလ ၂၀ ရက်နေ့တွင် မြင်းကပါကျေးရွာရှိ ပုဂံရှေးဟောင်းယဉ်ကျေးမှုနယ်မြေအတွင်း ရေမြောင်းဖောက်လုပ်ခြင်းလုပ်ငန်းများအား လုပ်ကိုင်ခွင့်ရရှိထားသူ ဦးညိုနှင့် ပန်းရံအလုပ်သမား ၁၃ ဦး သည် ရှေးဟောင်းမြေအိုး ၁ လုံး တူးဖော်ရရှိခဲ့ပြီး အဆိုပါမြေအိုးအတွင်းမှ ရှေးဟောင်းပစ္စည်းဟု ယူဆရသည့် ရွှေလက်ကောက် ၁၀ ကွင်း၊ ရွှေလုံး ၂ ခု၊ ရွှေဘယက်အချိုအား တူးဖော်တွေ့ရှိခဲ့ခြင်းဖြစ်သည်ဟုထုတ်ပြန်ချက်ကဖော်ပြသည်။
ရှေးဟောင်းရွှေထည်ပစ္စည်းထုခွဲရောင်းချခဲ့သူ ၃ ဦးအား ဖမ်းဆီးထားပြီး ဦးညိုပါ ၁၁ ဦးတိုအား ပုဂံနယ်မြေရဲစခန်း(ပ) ၂၅/၂၀၂၄၊ ရှေးဟောင်းဝတ္ထုပစ္စည်းများကာကွယ်ထိန်းသိမ်းရေးဥပဒေပုဒ်မ ၁၇/၁၉ ဖြင့် အမှုရေးဖွင့်ပြီး ဥပဒေနှင့်အညီ ထိရောက်စွာ အရေးယူနိုင်ရေး ဆက်လက်ဆောင်ရွက်လျက်ရှိကြောင်း စစ်ကောင်စီကဆိုသည်။
ပုဂံရှေးဟောင်းယဉ်ကျေးမှုနယ်မြေအတွင်း ရေမြောင်းဖောက်လုပ်ခြင်းလုပ်ငန်းမှရွှေထည်ပစ္စည်းများအပြင် ၅ ပိဿာခန့်ရှိ ရွှေဆင်းတုတစ်ဆူ၊ ရွှေသံလျက်၊ရွှေစလွယ်နှင့် လက်ဝတ်ရတနာများပါတွေ့ရှိခဲ့သည်ဟု ဒေသခံအချို့ကပြောကြပြီး စစ်ကောင်စီထုတ်ပြန်ချက်တွင် ပါဝင်ခြင်းမရှိပဲပျောက်ဆုံးနေသည်။
ညောင်ဦးမြို့နယ် ပုဂံရှေးဟောင်းယဉ်ကျေးမှုနယ်မြေအတွင်း ယခုနှစ်စက်တင်ဘာလ ၁၁ ရက်၊ ၁၂ ရက်တို့တွင် မိုးသည်းထန်စွာရွာသွန်းမှုကြောင့် ရှေးဟောင်းအဆောက်အအုံ (၉) လုံးထိခိုက်ပျက်စီးမှုရှိခဲ့သည်။
၂၀၁၉ ခုနှစ်တွင် ကမ္ဘာ့အမွေအနှစ် ယူနက်စကိုစာရင်းဝင်ခဲ့သည့် ပုဂံရှေးဟောင်းယဉ်ကျေးမှုနယ်မြေတွင် တည်ဆဲဥပဒေများချိုးဖောက်ပြီး ရှေးဟောင်းမြေများတွင် ဟော်တယ် အဆောက်အအုံများ တိုးချဲ့ဆောက်လုပ်ခြင်း၊ စေတီဘုရားနံရံများတွင် သံရိုက် မီးသွယ်ခြင်း၊ စေတီများအနီးတွင် လျှော်ဖြူပင်များ စိုက်ပျိုးခြင်း၊ စက်ကြီးများဖြင့် ရေမြောင်းများ တူးဖော်ခြင်း၊ မူလလက်ရာ သဲကျောက်ပြားများ ဖယ်ပြီး အဖြူရောင်စကျင်ကျောက်များခင်းခြင်း များပြုလုပ်နေကြောင်း ဒေသခံများမှသိရသည်။
ဓာတ်ပုံ – စက်တင်ဘာလ ၁၁ ရက်၊ ၁၂ ရက်တို့တွင် မိုးသည်းထန်စွာရွာသွန်းမှုကြောင့် ပြိုကျခဲ့သည့် ပုဂံစေတီအချို့။ (Photo – CJ/FB)
Comments
Post a Comment