တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
ချင်းပြည်နယ်၊မင်းတပ်မြို့တွင် စစ်ကောင်စီတပ်မှ လေကြောင်းတိုက်ခိုက်မှုများ ၊ လက်နက်ကြီး ပစ်ခတ်မှုများ နှင့် နေအိမ်များကို မီးရှို့ဖျက်ဆီးမှုများကြောင့် အိမ်ခြေ ၂ဝဝ ခန့်မီးလောင်ပြာကြခဲ့ကြောင်း မင်းတပ်မြို့နယ် စစ်ဘေးရှောင်စခန်း စီမံခန့်ခွဲရေးကော်မတီ (Mindat Township IDPs Camp Management Committee)က ယနေ့ထုတ်ပြန်သည်။
"၄ နှစ်နီးပါး နေရပ်စွန့်ခွာ စစ်ဘေးရှောင်ခဲ့ကြတဲ့ မိသားစုတွေ အိမ်ပြန်နိုင်မယ့် အခွင့်အရေးဟာ လက်တစ်ကမ်းအကွာကိုရောက်ရှိ လာခဲ့သော်လည်း အချို့မိသားစုများအတွက် ပြန်စရာအိမ် မရှိကြတော့ပါ"ဟုဌင်းကော်မတီကထုတ်ပြန်သည်။
ချင်းညီနောင်တပ်များက ချင်းပြည်နယ် ၊ မင်းတပ်မြို့အခြေစိုက် အမှတ်(၂၇၄) ခြေလျင်တပ်ရင်းအား တိုက်ခိုက် သိမ်းပိုက်ပြီး မင်းတပ်မြို့နယ် တစ်ခုလုံးအား ဒီဇင်ဘာလ(၂၁) ရက်နေ့တွင် အလုံးစုံထိန်းချုပ်ထားနိုင်ခဲ့သည်။
သို့သော်လည်း သက်ဆိုင်ရာ အုပ်ချုပ်ရေးအဖွဲ့၏ ပြန်လည်နေထိုင်နိုင်ကြောင်းထုတ်ပြန်ချက် မထွက်ပေါ်မီအချိန်အထိ မြို့ပေါ်သို့ သွားလာနေထိုင်ခြင်းမပြုကြရန်မင်းတပ်မြို့နယ် စစ်ဘေးရှောင်စခန်း စီမံခန့်ခွဲရေးကော်မတီကထုတ်ပြန်သည်။
မင်းတပ်မြို့သိမ်းတိုက်ပွဲ အတွင်း ငွေသား၊ စောင်၊အနွေးထည် ၊ဖျာ နှင့် စားနပ်ရိက္ခါများကို နေရာဒေသအချို့ရှိ စစ်ဘေးရှောင်များဆီသို့ ဖြန့်ဝေပေးနိုင်ခဲ့ပြီး လမ်းပန်းဆက် သွယ်ရေး အလွန်ခက်ခဲသော တိုက်နယ် ၁၀၊ ၁၁၊၁၃ နှင့် ၁၄ တို့ကို ရောက်ရှိကူညီနိုင်ရန် အကူအညီ များဆက်လက် လိုအပ်နေကြောင်း ဌင်းကော်မတီမှသိရသည်။
ဓာတ်ပုံ - ချင်းပြည်နယ်၊မင်းတပ်မြို့မြင်ကွင်း။
Comments
Post a Comment