မန္တလေးမြို့ရှိ အိုးဘိုထောင်တွင် မတ်လ ၂၈ ရက်နေ့က ငလျင်ဒဏ်ကြောင့် ၄ ဦးသေဆုံးခဲ့ပြီး ထိခိုက်ဒဏ်ရာ ပြင်းထန်သူများအား ဆေးကုသခွင့် ကန့်သတ်ခြင်းခံနေရကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှထုတ်ပြန်သည်။ ငလျင်ကြောင့် အိုးဘိုထောင်ရှိ အမျိုးသမီးအဆောင်များဖြစ်သည့် အဆောင်(၁)/(၂)နှင့် အမျိုးသမီးဆေးရုံဆောင်များပြိုကျပျက်စီးခဲ့ပြီး အမျိုးသားအဆောင်အလုပ်ရုံအပါအဝင် အဆောင်များနှင့် ကာရံထားသည့် အုတ်ရိုးများပြိုကျခဲ့သည်။ ထို့ပြင်ငလျင်ကြောင့် စိုးရိမ်ရသူ(၉)ဦးရှိပြီး ဆေးရုံတက်ရန်လိုအပ်သူ(၄ဝ)ကျော်ရှိသည်။ အချို့ထိခိုက်ဒဏ်ရာများသည် အကျဉ်းထောင်များတွင် ကုသရန်မလွယ်ကူ၍ ပြင်ပဆေးရုံသို့ ပို့ဆောင်ရန် လိုအပ်လျှက်ရှိသော်လည်း ကုသခွင့်မရပဲ ယနေ့အချိန်ထိ ကန့်သတ်ခံထားရကြောင်း PPNMမှထုတ်ပြန်သည်။ ထို့အပြင် ထိခိုက်ဒဏ်ရာရရှိသူများမှာ မိသားစုဝင်များနှင့် ဆက်သွယ်တွေ့ဆုံခွင့်မရသည့် အခြေအနေများလည်း ရင်ဆိုင်ကြုံတွေ့နေရသည်။ အိုးဘိုထောင်တွင် ဆေးဝါးလိုအပ်ချက်များစွာရှိနေပြီး အရက်ပြန်၊ဂွမ်း၊အနာကျက်ဆေးရည်၊ပတ်တီး စသည့် ဆေးဝါးပစ္စည်းများလိုအပ်လျှက်ရှိကြောင်း PPNMမှထုတ်ပြန်သည်...
မကွေးတိုင်း၊ ဂန့်ဂေါခရိုင်၊ ဆောမြို့နယ်တွင် ပါဝင်သည့် ကျောက်ထုမြို့နယ်၊ကံကြီးကျေးရွာတွင် စစ်ကောင်စီတပ်မှ ဒရုန်းဖြင့်တိုက်ပွဲဖြစ်ပွားခြင်းမရှိပဲ ဗုံးသီးချပစ်ခတ်မှုကြောင့် ဒေသခံ ၂ ဦးသေဆုံးခဲ့ကြောင်း ယောအလင်းတန်းအဖွဲ့မှသိရသည်။
ဒီဇင်ဘာလ ၁၁ ရက်နေ့တွင် ကျောက်ထုမြို့နယ်စစ်တပ်တွင်းမှ ဒရုန်းဖြင့်ပျံသန်းကာ ဒရုန်းဗုံးသီးပစ်ချခဲ့မှုကြောင့် ကံကြီးကျေးရွာ ဒေသအခေါ် ယောမြောင်းကြီးအနီး ကျရောက်ပေါက်ကွဲခဲ့ကြောင်းသိရသည်။
ဗုံးစထိမှန်မှုကြောင့် ကံကြီးကျေးရွာနေ ဒေါ်ခင်တိုးကြည် အသက် (၄၇)နှစ်သည်နေရာ၌ပွဲချင်းသေဆုံးခဲ့ပြီး ဒေါ်လှဝင်း အသက်(၆၄)နှစ်သည် ရရှိဒဏ်ရာဖြင့် သေဆုံးခဲ့ကြောင်း သိရသည်။
ကျောက်ထုမြို့နယ် အမတ - ၃၆၈ တပ်ရင်းမှူး ဘုန်းဝင်း ဦးဆောင်သည့် စစ်ကောင်စီတပ်သားများသည် ပြည်သူတွေကိုဦးတည်က စစ်ရာဇဝတ်မှုများဆက်တိုက် ကျူးလွန်နေကြောင်း ၊ကျောက်ထုတပ်ထဲမှ လက်နက်ကြီးရမ်းသန်းပစ်ခတ်ခြင်း၊ဒရုန်းဗုံးသီးချခြင်းများအချိန်မရွေးပြုလုပ်နိုင်ခြင်းကြောင့် အထူးဂရုစိုက်ကြရန် အသိပေးကြောင်း ယောအလင်းတန်းအဖွဲ့မှထုတ်ပြန်သည်။
Comments
Post a Comment