တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
ဘင်္ဂလားဒေ့ရှ် ရခိုင်(အာရက္ခ)နယ်စပ်၊ နတ်မြစ်တစ်လျှောက်တွင် စစ်ရေးလိုအပ်ချက်အရ ရေကြောင်းခရီးသွားလာမှုများအား အချိန်၊ ရက် အကန့်အသတ်မရှိ ပိတ်ပင်တားမြစ်လိုက်ကြောင်း အာရက္ခတပ်တော် AA ကထုတ်ပြန်သည်။
မောင်တောမြို့၏ နောက်ဆုံးတစ်ခုတည်းသာကျန်ရှိတော့သည့် စစ်ကောင်စီ၏ အမှတ် (၅) နယ်ခြားစောင့်ရဲတပ်ဖွဲ့ခွဲ (နခခ-၅) ကို ၂၀၂၄ ခုနှစ်၊ ဒီဇင်ဘာလ (၈) ရက်နေ့၊ နံနက် (၉) နာရီ (၃၀) မိနစ်အချိန်တွင် AA က အပြီးသတ် သိမ်းပိုက်ခဲ့သည်။
စစ်ကောင်စီတပ်ဖွဲ့ဝင်များနှင့်အတူ ပူးပေါင်း တိုက်ခိုက်နေကြသည့် အစ္စလာမ်မစ်အစွန်းရောက် စစ်သွေးကြွ လက်နက်ကိုင်တပ်ဖွဲ့များဖြစ်ကြသော RSO ARSA ARA နှင့် စစ်ကောင်စီမှ သင်တန်းပေးထားသော အစ္စလာမ်မစ်အစွန်းရောက် စစ်သွေးကြွ လက်နက်ကိုင်တပ်ဖွဲ့ဝင်အချို့တို့မှာ လက်နက်များဖြင့် ထွက်ပြေးနေကြဆဲ ဖြစ်သောကြောင့် လိုက်လံရှင်းလင်းတိုက်ခိုက်လျက်ရှိသည်ဟု AA ကထုတ်ပြန်သည်။
 |
| ဓာတ်ပုံ - နတ်မြစ် (ရခိုင်ဘက်အခြမ်း ရေပိုင်နက်) (ပုံဟောင်း) |
ထို့ကြောင့် နခခ (၅) အနီးအနားသာမက မောင်တောဒေသ၏ အခြားသောနေရာများ၌ပါ တိုက်ပွဲများ ဆက်လက်ဖြစ်ပွားနေဆဲဖြစ်ကြောင်း၊ နခခ (၅) မှထွက်ပြေးလာကြသော စစ်ကောင်စီတပ်ဖွဲ့ဝင် များနှင့် စစ်သွေးကြွ လက်နက်ကိုင် တပ်ဖွဲ့များဖြစ်ကြသော RSO ၊ ARSA ၊ ARA နှင့် အစ္စလာမ်မစ်အစွန်းရောက် စစ်သွေးကြွ လက်နက်ကိုင်တပ်ဖွဲ့ဝင်အချို့တို့သည် ဘင်္ဂလားဒေ့ရှ် အာရက္ခနယ်စပ်၊ နတ်မြစ်တစ်လျှောက်၌ စက်လှေ၊ မော်တော်ဘုတ်၊ လောင်းလှေများဖြင့် ထွက်ပြေးရန် ကြိုးစားနေကြကြောင်း သိရသည်။
စစ်ရေးလိုအပ်ချက်နှင့် ပြည်သူ့လုံခြုံရေးအတွက် နတ်မြစ် (အာရက္ခပြည်ဘက်အခြမ်း ရေပိုင်နက်) အတွင်း ရေကြောင်းခရီးသွားလာမှုများကို ဒီဇင်ဘာလ (၈) ရက်နေ့၊ ညနေ (၃) နာရီခွဲ အချိန်မှစ၍ အချိန် ရက် အကန့်အသတ်မရှိ ပိတ်ပင်တားမြစ်လိုက်ကြောင်း ရက္ခိုင်အမျိုးသားအဖွဲ့ချုပ်/အာရက္ခတပ်တော် AA ကထုတ်ပြန်သည်။
Comments
Post a Comment