တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
ထိုင်း-မြန်မာနယ်စပ် မြဝတီမြို့မှ တရုတ်နိုင်ငံသားများ၏ Call Center လိမ်လည်မှုဂိုဏ်းမှ လွတ်မြောက်လာသော နိုင်ငံခြားသား (၃၉) ဦးအား ထိုင်းစစ်တပ်မှ ကယ်တင်ခဲ့ကြောင်း Khaosod English သတင်းတွင်ဖော်ပြသည်။
ထိုင်းနိုင်ငံ တာ့ခ်ပြည်နယ် မဲဆောက်မြို့နယ် မဲတော်မြို့နယ်ခွဲ ဒွန်ချိုင်းကျေးရွာအုပ်စု(၆)တွင် ယနေ့ (နိုဝင်ဘာလ ၂၅)နံနက်ပိုင်းက မြန်မာနိုင်ငံဘက်ခြမ်းမှ ထွက်ပြေးလာသော နိုင်ငံခြားသား (၃၉) ဦးအား ထိုင်းစစ်တပ်မှ ကယ်တင်နိုင်ခဲ့ကြောင်း သိရသည်။
ထွက်ပြေးလာသူများသည် မြဝတီမှ မြစ်ကို ဖြတ်ကျော်ပြီး တာ့ခ်ပြည်နယ်၊ မဲဆောက်ခရိုင်သို့ ထွက်ပြေးလာခဲ့ကြကာ ထိုင်းစစ်သားများမှ ၎င်းတို့၏ ပစ္စည်းများနှင့် စာရွက်စာတမ်းများအား စစ်ဆေးရာတွင် တရားမဝင်သည်များ မတွေ့ရှိရကြောင်း သိရသည်။
ထွက်ပြေးလာသူများထဲတွင် သီရိလင်္ကာနိုင်ငံသား (၃၂) ဦး၊ နီပေါနိုင်ငံသား (၅) ဦး၊ မလေးရှားနိုင်ငံသား (၁) ဦးနှင့် ရုရှားနိုင်ငံသား (၁) ဦး ပါဝင်ကြောင်း၊ ၎င်းတို့သည် မြဝတီမြို့ မြသရကျေးရွာရှိ တိုင်းချန်းစီမံကိန်းနယ်မြေအတွင်း တရုတ်နိုင်ငံသားများ လုပ်ကိုင်သော Call Center လိမ်လည်မှုဂိုဏ်းတွင် အလုပ်လုပ်ရန် လူကုန်ကူးသူများ၏ လိမ်လည်ခြင်းခံခဲ့ရကြောင်းသိရသည်။
၎င်းတို့သည် တာ့ခ်ပြည်နယ် ဖော့ဖရာခရိုင် ချောင်းခဲ့ဘ်ကျေးရွာ တစ်ဖက်ကမ်းရှိ စီမံကိန်းဧရိယာအတွင်း တရုတ်လူမျိုးများ လုပ်ကိုင်နေသည့် Call Center လိမ်လည်မှုဂိုဏ်းတွင် အတင်းအကျပ် အလုပ်လုပ်ခိုင်းခြင်း ခံခဲ့ရကြောင်း သိရသည်။
လိမ်လည်ခံရသူများထဲမှ သီရိလင်္ကာနိုင်ငံသားတဦးသည် ပြင်ပသို့ အကူအညီတောင်းခံသော ဖုန်းခေါ်ဆိုမှုများ အကြိမ်ကြိမ်ပြုလုပ်နိုင်ခဲ့သဖြင့် နောက်ဆုံးတွင် မြဝတီမြို့မှ ထွက်ပြေးလွတ်မြောက်လာနိုင်ခဲ့ကြောင်း သိရသည်။
ထိုင်းအာဏာပိုင်များက သီရိလင်္ကာသံရုံးနှင့် ပူးပေါင်း၍ စစ်တပ်ယာဉ်များဖြင့် ခေါ်ဆောင်ကာ တာ့ခ်ပြည်နယ် လူဝင်မှုကြီးကြပ်ရေးအာဏာပိုင်များထံ လွှဲပြောင်းပေးအပ်ထားကြောင်း သတင်းရရှိသည်။
တိုင်းချန်းစီမံကိန်းသည် တရုတ်ငွေကြေးလုပ်ငန်းရှင်များ၏ ခိုလှုံရာနေရာတစ်ခုဖြစ်လာပြီး နိုင်ငံတကာဆိုက်ဘာမှုခင်းဂိုဏ်းများ၏ ဗဟိုချက်မအဖြစ် လျင်မြန်စွာ လျင်မြန်စွာ တိုးချဲ့လာနေရာ ထိုင်းရဲတပ်ဖွဲ့က နိုဝင်ဘာ ၁၄ ရက်တွင် နယ်စပ်ဒေသအသီးသီး၌ လုံခြုံရေးစစ်ဆေးမှုများ တိုးမြှင့်ရန် ညွှန်ကြားထားကြောင်း သိရသည်။
Photo - Khaosod English
mail : bagan24news@gmail.com
Comments
Post a Comment