မန္တလေးမြို့ရှိ အိုးဘိုထောင်တွင် မတ်လ ၂၈ ရက်နေ့က ငလျင်ဒဏ်ကြောင့် ၄ ဦးသေဆုံးခဲ့ပြီး ထိခိုက်ဒဏ်ရာ ပြင်းထန်သူများအား ဆေးကုသခွင့် ကန့်သတ်ခြင်းခံနေရကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှထုတ်ပြန်သည်။ ငလျင်ကြောင့် အိုးဘိုထောင်ရှိ အမျိုးသမီးအဆောင်များဖြစ်သည့် အဆောင်(၁)/(၂)နှင့် အမျိုးသမီးဆေးရုံဆောင်များပြိုကျပျက်စီးခဲ့ပြီး အမျိုးသားအဆောင်အလုပ်ရုံအပါအဝင် အဆောင်များနှင့် ကာရံထားသည့် အုတ်ရိုးများပြိုကျခဲ့သည်။ ထို့ပြင်ငလျင်ကြောင့် စိုးရိမ်ရသူ(၉)ဦးရှိပြီး ဆေးရုံတက်ရန်လိုအပ်သူ(၄ဝ)ကျော်ရှိသည်။ အချို့ထိခိုက်ဒဏ်ရာများသည် အကျဉ်းထောင်များတွင် ကုသရန်မလွယ်ကူ၍ ပြင်ပဆေးရုံသို့ ပို့ဆောင်ရန် လိုအပ်လျှက်ရှိသော်လည်း ကုသခွင့်မရပဲ ယနေ့အချိန်ထိ ကန့်သတ်ခံထားရကြောင်း PPNMမှထုတ်ပြန်သည်။ ထို့အပြင် ထိခိုက်ဒဏ်ရာရရှိသူများမှာ မိသားစုဝင်များနှင့် ဆက်သွယ်တွေ့ဆုံခွင့်မရသည့် အခြေအနေများလည်း ရင်ဆိုင်ကြုံတွေ့နေရသည်။ အိုးဘိုထောင်တွင် ဆေးဝါးလိုအပ်ချက်များစွာရှိနေပြီး အရက်ပြန်၊ဂွမ်း၊အနာကျက်ဆေးရည်၊ပတ်တီး စသည့် ဆေးဝါးပစ္စည်းများလိုအပ်လျှက်ရှိကြောင်း PPNMမှထုတ်ပြန်သည်...
၂၀၂၁ ခုနှစ် ၊ ဖေဖော်ဝါရီလ ၁ ရက် မတရားစစ်အာဏာလုမှုဖြစ်စဉ် စတင်ချိန်မှ ၂၀၂၄ ခုနှစ်၊ နိုဝင်ဘာလ ၁၈ ရက်အထိ အကြမ်းဖက်စစ်အုပ်စုနှင့် ၎င်း၏လက်ပါးစေများကြောင့် နွေဦးတော်လှန်ရေးကာလအတွင်း သေဆုံးခဲ့ရသည့် ဒီမိုကရေစီရေး လှုပ်ရှားသူများနှင့် ပြည်သူစုစုပေါင်းမှာ (၅၉၅၆) ဦး ရှိခဲ့ပြီဖြစ်ကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း (အေအေပီပီ)မှထုတ်ပြန်သည်။
.jpg)
ထို့အပြင် အေအေပီပီ ထုတ်ပြန်ချက်အရ မတရားအာဏာလုမှုဖြစ်စဉ်နှင့် ဆက်စပ်၍ ဖမ်းဆီးခံခဲ့ရသူ စုစုပေါင်း (၂၇၆၈၃) ဦးရှိပြီး ထိုအထဲမှ (၂၁၁၂၉) ဦးမှာ ထိန်းသိမ်းခံနေရဆဲဖြစ်ကာ ထိန်းသိမ်းခံနေရသူများအနက်မှ (၉၅၂၄) ဦးမှာ ထောင်ဒဏ်ချမှတ်ခံထားရသည်။
စစ်ခေါင်းဆောင်၏ တရုတ်ပြည်ခရီးစဉ်မှ ပြန်ရောက်သည့် တန်ဆောင်တိုင်ကာလအတွင်း ၎င်း၏လက်ပါးစေ စစ်သားများက နေ့စဉ်နီးပါး လေကြောင်းဖြင့် ပစ်ခတ်တိုက်ခိုက်မှုများ ဆက်တိုက်လုပ်ဆောင်ခဲ့သောကြောင့် ကလေးငယ်များအပါအဝင် အရပ်သား ၅၀ ကျော် သေဆုံးခဲ့ပြီး ၁ဝဝ ကျော် ထိခိုက်ဒဏ်ရာရရှိခဲ့သည်ဟု (အေအေပီပီ)မှထုတ်ပြန်သည်။
ထို့အပြင် စစ်ကောင်စီတပ်သည် ဘုတလင်မြို့နယ်၊ ကန့်ဘလူမြို့နယ်၊ မင်းတပ်မြို့နယ် အစရှိသည့် နေရာများ၌ စစ်ရေးပစ်မှတ်မဟုတ်သည့် လူနေအဆောက်အဦးများကို ဦးတည်တိုက်ခိုက်မှုများ ဆက်တိုက် လုပ်ဆောင်လျက်ရှိရာ ဒေသခံပြည်သူများမှာ နေရပ်စွန့်ခွာထွက်ပြေးကာ အိုးမဲ့အိမ်မဲ့အဖြစ် ဘေးလွတ်ရာရှောင်တိမ်းနေရသည့်အတွက် စားနပ်ရိက္ခာအပါအဝင် ရာသီဥတုဒဏ်ကို ဆိုးရွားစွာကြုံတွေ့နေကြရကြောင်း သိရသည်။
ဌင်းပြင် စစ်ကောင်စီတပ်မှ နိုဝင်ဘာ ၁၈ ရက်နေ့ နံနက်အစောပိုင်း၌ ရှမ်းပြည်နယ် ကွတ်ခိုင်မြို့ကို လေကြောင်းဖြင့် ဗုံးကြဲတိုက်ခိုက်မှုကြောင့် လသားအရွယ်ကလေးငယ်တဦးအပါအဝင် အရပ်သား ၃ ဦး သေဆုံးခဲ့ကြောင်း တအာင်းတပ် TNLA မှထုတ်ပြန်သည်။
Photo - နိုဝင်ဘာ ၁၈ ရက်နေ့တွင် ကွတ်ခိုင်မြို့အား စစ်ကောင်စီတပ် လေကြောင်းတိုက်ခိုက်ခဲ့သည့်မြင်ကွင်း။
Website https://bagannews.com/
Youtube https://www.youtube.com/@BaganNews/videos
Telegram https://t.me/bagannews
Blog https://bagan24news.blogspot.com/
Comments
Post a Comment