တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
ဧရာဝတီတိုင်း ဟင်္သာတအကျဉ်းထောင်ရှိ အဆောင်(၄)တွင် အကျဉ်းဦးစီးဝန်ထမ်း အောင်ကျော်မြင့်မှ အရက်မူးပြီး နိုင်ငံရေးအကျဉ်းသား(၁)ဦးကို လူမဆန်စွာ ရိုက်နှက်ခဲ့ကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှထုတ်ပြန်သည်။
ပြီးခဲ့သည့် နိုဝင်ဘာလ ၁၁ ရက်နေ့ ည(၈)နာရီဝန်းကျင်အချိန်တွင် နိုင်ငံရေးအကျဉ်းသားများအား အခန်းအဆောင်များအတွင်း ပိတ်ထားချိန်တွင် ထောင်ဝန်ထမ်း အောင်ကျော်မြင့်သည် နိုင်ငံရေးအကျဉ်းသား ကိုရှိုင်းထက်ဇော်၏ နာမည်ကိုခေါ် ကာ ဘာယာတန်း (အခန်းအပြင်သို့ လက်သာထုတ်လို့ရအောင် ပြုလုပ်ထားသည့် တိုင်အတန်းများ) အပြင်ဘက်ကို လက်ထုတ်ခိုင်းပြီးနောက် အကြောင်းပြချက်မရှိဘဲ လူမဆန်စွာ ရိုက်နှက်ခဲ့ခြင်းဖြစ်သည်။
 |
| ဓာတ်ပုံ - PPNM |
ရိုက်နှက်ခံခဲ့ရသည့် နိုင်ငံရေးအကျဉ်းသား ကိုရှိုင်းထက်ဇော်သည် စစ်အာဏာရှင်စနစ်ကို ဆန့်ကျင်ခဲ့သဖြင့် ပုဒ်မ ၅၀ည ၊၅၁(က)တို့ဖြင့် ဟင်္သာတအကျဉ်းထောင်တွင် မတရားဖမ်းဆီးအကျဉ်းချခံထားရသူတဦး ဖြစ်သည်။
အဆိုပါ ထောင်ဝန်ထမ်းအောင်ကျော်မြင့်သည် အရက်မူးလာချိန်တိုင်း နိုင်ငံရေးအကျဉ်းသားများကို မကြာခဏရိုက်နှက်နေသူဖြစ်ကြောင်းလည်း PPNM မှ သိရသည်။
ထိုသို့ ဥပဒေမဲ့စွာပြုလုပ်နေသော ထောင်ဝန်ထမ်း အောင်ကျော်မြင့်ကို သက်ဆိုင်ရာ ထောင်ပိုင်မှ တားဆီးခြင်း အရေးယူခြင်း မရှိသည့်အပြင် ထောင်ပိုင် သန်းဇော်ထွေး သည်လည်း ယင်းဝန်ထမ်းနှင့် အရက်သောက်ဖော်များဖြစ်ကာ ထောင်ပိုင်ကိုယ်တိုင်အမိန့်ပေး စေခိုင်းမှုများ ပြုလုပ်လျက်ရှိကြောင်း သိရသည်။
လက်ရှိကာလများတွင် အကျဉ်းထောင်၊အချုပ်ထောင် အတွင်းရှိ နိုင်ငံရေးအကျဉ်းသားများသည် အချိန်မရွေး ခေါ်ထုတ်သတ်ဖြတ်ခံရမည့် အန္တရာယ်များကို ရင်ဆိုင်နေကြရကြောင်း PPNM မှထုတ်ပြန်သည်။
Comments
Post a Comment