တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
စစ်ကောင်စီ လေကြောင်းတိုက်ခိုက်မှုကြောင့် ခင်ဦးမြို့နယ် မြောက်ခြမ်း ကျေးရွာခံသောင်းချီ ထွက်ပြေးတိမ်းရှောင်နေရ
စစ်ကောင်စီတပ်မှ စစ်ကိုင်းတိုင်း ခင်ဦးမြို့နယ် မြောက်ခြမ်း ကျေးရွာများအား လေကြောင်းမှ ပစ်ခတ်တိုက်ခိုက်မှုကြောင့် ကျေးရွာခံများ ထွက်ပြေးနေရ ကြောင်း ဒေသခံများမှသိရသည်။
သြဂုတ်လ (၃၁) ရက်နေ့ နံနက်ပိုင်း (၇) နာရီကျော်ခန့်တွင် ခင်ဦးနယ်မြောက်ဘက်ခြမ်းရှိ ကျေးရွာများကို တံတားဦး လေတပ်မှတက်လာသည့် ဂျက်ဖိုက်တာ (၅)စီးဖြင့် လေကြောင်းတိုက်ခိုက်မှုများ ဆက်တိုက်ပြုလုပ်ခဲ့ကြောင်း၊ နေ့ခင်းပိုင်းအချိန်၌လည်း တံတားဦးလေတပ်မှ ထပ်တက်လာသည့် ဂျက်ဖိုက်တာဖြင့် ထိုရွာတွေဝန်းကျင်များအား လေကြောင်းတိုက်ခိုက်မှု ထပ်မံပြုလုပ်ခဲ့ကြောင်း Peoples Defense Comrade အဖွဲ့ကထုတ်ပြန်သည်။
သြဂုတ်လ (၃၁) ရက်နေ့ ညနေပိုင်းတွင်လည်း တံတားဦးမှ ထပ်တက်လာသည့် Y-12 ယာဉ်ဖြင့် (၁)နာရီခန့်ကြာ ပတ်ဝဲပျံသန်းပြီး ခင်ဦးမြောက်ဘက်ခြမ်းရွာများအား လေကြောင်းတိုက်ခိုက်မှု ဗုံးသီးအလုံးရေ (၅၀)ထက်မနည်း ကျဲချတိုက်ခိုက်ခဲ့ကြောင်း သိရသည်။
အကြမ်းဖက် ပျုစောထီးခေါင်းဆောင် ဦးဝါသဝ၏ လက်အောက်ခံ မဒေါင်းလှပျူရွာကို တော်လှန်ရေးအင်အားစုများမှ တိုက်ခိုက်နေသည်ကို အကြောင်းပြုပြီး စစ်ကောင်စီတပ်မှ တိုက်ပွဲဖြစ်ပွား ခြင်းမရှိသည့် ခင်ဦးနယ်အနောက်မြောက်ခြမ်း နှင့် မြောက်ဘက်ခြမ်းရှိကျေးရွာများကို သြဂုတ်လ (၁၈) (၁၉) (၂၆) (၂၉) (၃ဝ) (၃၁) စသည့်နေ့များတွင် Mi-35 / Yak-130 ဖိုက်တာ / A-5 Bomber ဖိုက်တာ / Y-12 ယာဉ် များ အသုံးပြုပြီး အရပ်သား ပြည်သူများကို ဗုံးကျဲတိုက်ခိုက် သတ်ဖြတ်မှုများ ယနေ့အချိန်ထိ ဆက်တိုက်ကျူးလွန်လျှက်ရှိကြောင်း Peoples Defense Comrade အဖွဲ့ကထုတ်ပြန်သည်။
သြဂုတ်လ ၁၈ ရက်နေ့တွင် စစ်ကောင်စီတပ်မှ မဒေါင်းကြီး၊ရွှေကာ၊ဆီဆုံလေး အနီးတဝိုက်အား ပစ်ခတ်ခဲ့ကြောင်း၊ သြဂုတ်လ ၁၉ ရက်နေ့တွင် ဗအိုးရွာ အားအကြောင်းမဲ့ပစ်ခတ်သောကြောင့် ပြည်သူ(၁)ဦးသေဆုံးကာ(၃)ဦး ဒဏ်ရာရှိခဲ့ကြောင်းသိရသည်။
သြဂုတ်လ ၂၆ ရက်နေ့တွင် မုံလှကျေးရွာအား အကြောင်းမဲ့ပစ်ခတ်မှုကြောင့် ပြည်သူ(၂)ဦး ထိခိုက်ဒဏ်ရာရခဲ့ပြီး သြဂုတ်လ ၂၉ ရက်နေ့တွင် စည်ပုတ္တရာ နှင့် သေနပ်စိန်ကျေးရွာ အား အကြောင်းမဲ့ပစ်ခတ်မှုကြောင့် ပြည်သူ(၆)ဦး ထိခိုက်ဒဏ်ရာရခဲ့ကြောင်း ခင်ဦးမြို့နယ်သတင်းမှန်ပြန်ကြားရေးအဖွဲ့မှ ထုတ်ပြန်သည်။
စစ်ကောင်စီတပ်မှ တိုက်ပွဲဖြစ်ပွား ခြင်းမရှိသည့် ခင်ဦးနယ်အနောက်မြောက်ခြမ်း ရှိ မဒေါင်းကြီး၊ ရွှေကာ ၊သေနပ်စိန် ၊ဗအိုး၊ စည်ပုတ္တရာ ၊မုံလှ၊ ရှားတော စသည့်ကျေးရွာများအားတိုက်ခိုက်နေပြီး အခြားကျေးရွာများ လည်းတိုက်ခိုက်မှုရှိနိုင်ကြောင်း သိရသည်။
စစ်ကောင်စီတပ်မှ လေကြောင်းက နေ့စဉ်အဆက်မပြတ် တိုက်ခိုက်နေခြင်းကြောင့် အနီးဝန်းကျင်မှ ကျေးရွာပေါင်း (၁၅)ရွာခန့်မှ ပြည်သူသောင်းချီပြီး ဘေးလွတ်ရာသို့ အရေးပေါ်ထွက်ပြေးတိမ်းရှောင်နေကြရကြောင်း Peoples Defense Comrade အဖွဲ့ကထုတ်ပြန်သည်။
ဓာတ်ပုံ - ခင်ဦးနယ်အတွင်းမှ စစ်ရှောင်ပြည်သူများ (ပုံဟောင်း)
Comments
Post a Comment