တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
ကချင်ပြည်နယ်၊ ဝိုင်းမော်မြို့- ကံပိုင်တည်မြို့သွား လမ်းမပေါ်တွင်ရှိသည့် ဆဒုံးမြို့တစ်ခုလုံးအား ထိန်းချုပ်ထားသည့် စစ်ကောင်စီတပ် ဗျူဟာကုန်းကို KIA ပူးပေါင်းတပ်ဖွဲ့မှ ပြီးခဲ့သည့် ဇွန်လ (၁၁) ရက်နေ့ ၌ သိမ်းပိုက်ခဲ့ကြောင်း ကချင်သတင်းရင်းမြစ်များအရသိရသည်။
ဆဒုံး – ကန်ပိုင်တည်သွား လမ်းမပေါ်တွင်ရှိသည့် ၁၃ မိုင်စုပေါင်းဂိတ်(ဂေါ်ဆက်ယန်)၊ ဘွမ့်တောင်ပြည်သူ့စစ်စခန်း၊ လဖိုင်ပြည်သူ့စစ်စခန်း၊ ဒိန်ဂါစစ်တပ်စခန်းနှင့် ဆဒုံးဗျူဟာကုန်းနေရာများအား KIA ပူးပေါင်းတပ်များက ဇွန်လ ၁၁ ရက်နေ့ မနက်ပိုင်း၌ တပြိုင်နက်ဝင်ရောက်တိုက်ခိုက်သိမ်းပိုက်ခဲ့ကြောင်း သိရသည်။
ဆဒုံးမြို့ သည် မြစ်ကြီးနားမြို့အရှေ့ဘက် မိုင် ၄ဝ ခန့်အကွာ ပေ ၄ဝဝဝ ကျော်မြင့်သော တောင်တန်းတစ်ခုပေါ်တွင် တည်ရှိသည်။
ကချင်ပြည်နယ်၊ ဝိုင်းမော်မြို့နယ်တွင် လက်ရှိတိုက်ပွဲဖြစ်ပွားနေပြီး ဝိုင်းမော်မြို့နှင့် ပတ်ဝန်းကျင်မှာရှိသည့် ပြည်သူများအနေဖြင့် လုံခြုံသည့်နေရာများပြင်ဆင်ထားဖို့လိုကြောင်း KIO သတင်းနှင့် ပြန်ကြားရေးတာဝန်ခံ ဗိုလ်မှူးကြီးနော်ဘူက လည်း ကချင်သတင်းကိုပြောကြားထားသည်။
ပြီးခဲ့တဲ့ မေလ ၁၈ ရက်နေ့တွင် KIA ပူးပေါင်းတပ်များက ဝိုင်းမော်မြို့နယ်အတွင်းရှိ ရွှေညောင်ပင် ခမရ ၃၂၁ တပ်ရင်းကို သိမ်းပိုက်ခဲ့သည်။ ဌင်းနောက်တွင် စစ်ကောင်စီတပ်များမှ လက်နက်ကြီးများဖြင့်ရမ်းသမ်းပစ်ခတ်နေပြီး ဝိုင်းမော်မြို့နယ်၊ ခတ်ချိုရွာရှိ အရပ်သား ၁ဝ ဦး လက်နက်ကြီးထိမှန်သေဆုံးခဲ့သည်။
-Bagan News
Comments
Post a Comment