တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
မန္တလေးတိုင်း၊ မိုးကုတ်မြို့နယ်၊ အထက်ပိန်းပြစ်ရွာအား စစ်ကောင်စီတပ်ဖွဲ့မှ ဒရုန်းဖြင့်တိုက်ခိုက်မှုကြောင့် ရွာဘုန်းတော်ကြီးကျောင်းဆောင်ထိခိုက်ပျက်စီးခဲ့ကြောင်း TNLA မှထုတ်ပြန်သည်။
ပြီးခဲ့သည့် ဇွန်လ (၂၂)ရက်နေ့ ၊ညနေ (၃)နာရီခွဲအချိန်တွင် အောက်ပိန်းပြစ်ရွာ၌ တပ်စွဲထားသည့် စစ်ကောင်စီစစ်ကြောင်းသည် အထက်ပိန်းပြစ်ရွာသို ဒရုန်းဖြင့်တိုက်ခိုက်ခြင်းပြုလုပ်ခဲ့ခြင်းဖြစ်ကြောင်းသိရသည်။
.jpg)
စစ်ကောင်စီတပ်ဖွဲ့သည် အရပ်သားပြည်သူများနှင့် ရဟန်းသံဃာတော်များ ဘာသာရေးအဆောက်အဦးများအား ရည်ရွယ်ချက်ရှိရှိ တိုက်ခိုက်ခြင်းဖြစ်ပြီးအထက်ပိန်းပြစ်ကျေးရွာထဲသို့ ဗုံးသီးကျရောက်ပေါက်ကွဲမှုကြောင့် ပြည်သူများစိုးရိမ်ထိတ်လန့်နေရကြောင်း TNLA မှထုတ်ပြန်သည်။
ထို့အပြင် ဇွန်လ (၂၂)ရက်နေ့၊ နေ့လည် (၁၁)နာရီခွဲဝန်းကျင်တွင် စစ်ကောင်စီတပ်နှင့် မိုင်တိုင် အမှတ် (၇) အောက်ပိန်းပြစ်နှင့် အထက်ပိန်းပြစ်ရွာကြားတွင် နှစ်ဖက်ထိတွေ့တိုက်ပွဲဖြစ်ပွားခဲ့ကြောင်း တအာင်းအမျိုးသားလွတ်မြောက်ရေးတပ်မတော် PSLF/TNLA မှသိရသည်။
ပြီးခဲ့သည့် ဇွန်လ ၁၈ ရက်နေ့မှ ဇွန်လ ၂ဝ ရက်နေ့အထိ (၃) ရက်အတွင်း စစ်ကောင်စီတပ်က ဂျက်လေယာဉ်နှင့် ဒရုန်းဖြင့် ဗုံးကြဲတိုက်ခိုက်မှု၊ လက်နက်ကြီးပစ်ခတ်မှုများကြောင့် တအာင်းတပ်မတော် PSLF/TNLA တပ်ဖွဲဝင် (၃)ဦးကျဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့ကြောင်း၊ ၁ဝ နှစ်အရွယ် ကလေးငယ်တစ်ဦးအပါအဝင် (၄)ဦး ထိခိုက်ဒဏ်ရာရရှိခဲ့ပြီး နေအိမ် (၃)လုံး၊ ဘုန်းတော်ကြီးကျောင်းများ ထိခိုက်ပျက်စီးခဲ့ကြောင်း TNLA မှထုတ်ပြန်သည်။
#Bagannews #မိုးကုတ်
Website - www.bagannews.com
Blog - https://bagan24news.blogspot.com/
Comments
Post a Comment