တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
ယမန်နေ့၊ ဇွန်လ(၁၅)ရက်နေ့ နံနက်(၂)နာရီဝန်းကျင်တွင် မန္တလေးအိုးဘိုထောင် အမျိုးသားအိပ်ဆောင်များအတွင်းရှိ နိုင်ငံရေးအကျဉ်းသား(၇ဝ)ကျော်နှင့် မူးယစ်(၃)ဦးခန့်ကို နှစ်ယောက်တစ်တွဲ ခြေကျင်းခတ်၍ မကွေးအကျဉ်းထောင်နှင့်မြင်းခြံအကျဉ်းထောင်သို့ ထောင်ပြောင်းပို့ခဲ့ကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှသိရသည်။
 |
ဇွန်လ(၁၅)ရက်နေ့ နံနက် (၆)နာရီဝန်းကျင်ခန့်၌ မြင်းခြံအကျဉ်းထောင်တွင် နိုင်ငံရေးအကျဉ်းသားအချို့ကို ပို့ဆောင်ခဲ့ပြီး နံနက် ၁၁ နာရီဝန်းကျင်ခန့်တွင် မကွေးအကျဉ်းထောင်ကို ကျန်ရှိနိုင်ငံရေးအကျဉ်းသားများကို ပို့ဆောင်ခဲ့ကြောင်းသိရသည်။
မန္တလေးအိုးဘိုအကျဉ်းထောင်အတွင်း နိုင်ငံရေးအကျဉ်းသား၊အကျဉ်းသူများကို လူဦးရေ(၅ဝ)သာ ပုံမှန်ထားလေ့ရှိသည့်အခန်းများအတွင်း လူဦးရေ(၁ဝဝ)ကျော်ခန့် ကျပ်ညှပ်စွာ နေထိုင်နေရပြီး လူသေအလောင်းကိုထည့်သည့် ခေါင်းတလားအကျယ်အဝန်းခန့်တွင်တာ အိပ်စက်နေရကြောင်း PPNM ကဇွန်လ(၇)ရက်နေ့ တွင်ထုတ်ပြန်ခဲ့သည်။
အဆိုပါကိစ္စရပ်များအပြင် ထောင်အာဏာပိုင်များ၏ အကျဉ်းသားများအပေါ် လူ့အခွင့်အရေးချိုးဖောက်မှုများ ၊ထောင်အာဏာပိုင်များ၏ လာဘ်စားမှုများကို စောင့်ကြည့်ထုတ်ပြန်ခဲ့သည်။
ထုတ်ပြန်ပြီး ဇွန်လ(၈)ရက်နေ့တွင် အကျဉ်းဦးစီးဝန်ထမ်းအမျိုးသမီး အိနွယ်ဦး(၁ပွင့်)၊ဒေါ်မြင့်မြင့်လှိုင်၊ဒေါ်ခင်ပပလှိုင် တို့အလုပ်မှထုတ်ပယ်ခြင်း နှင့် ဒေါ်သွယ်သွယ်ဦး(ဦးစီးအရာရှိ)တို့ကို ရာထူးလျှော့ချ၍ ထောင်ပြောင်းဖြင့် အပြစ်ပေးခြင်းတို့ လုပ်ဆောင်ခဲ့ကြောင်း သိရသည်။
ထောင်ပိုင် အောင်မျိုးချွန်ကို လွိုင်ကော်အကျဉ်းထောင်၏ထောင်ပိုင်အဖြစ် ပြောင်းရွေ့ထမ်းဆောင်စေခဲ့ပြီး လက်ရှိ မန္တလေးအိုးဘိုအကျဉ်းထောင်တွင် ထောင်ပိုင်အသစ် သိန်းဇော်မင်းဆိုသူ ပြောင်းလွှဲ၍ အုပ်ချုပ်နေကြောင်းသိရသည်။
ဌင်းအပြင် ဇွန်လ ၁၅ ရက်နေ့တွင် မွန်ပြည်နယ်အကျဉ်းဦးစီး ညွှန်ကြားရေးမှူး ဇော်မျိုးအောင်မှ ကျိုက်မရောအကျဉ်းထောင်ရှိ နိုင်ငံရေးအကျဉ်းသား၊အကျဉ်းသူ(၁ဝဝ)ကျော်ကို အင်းစိန်ထောင်သို့ပို့ဆောင်ခဲ့ပြီး ခရီးတထောက်နားကာသာယာဝတီထောင်နှင့်ဒိုက်ဦးထောင်သို့ ပြောင်းရွေ့မည်ဖြစ်ကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)ကထုတ်ပြန်သည်။
#Bagannews #နိုင်ငံရေးအကျဉ်းသား #PPNM
Comments
Post a Comment