တအာင်းတပ်မတော် TNLA ထိန်းချုပ်ထားသော မြို့များတွင် ဖေဖော်ဝါရီလအတွင်း စစ်ကောင်စီမှ လေကြောင်းဖြင့် ဗုံးကြဲတိုက်ခိုက်မှုကြောင့် အရပ်သား (၁၃)ဦး သေဆုံးကာ(၃၆)ဦး ထိခိုက်ဒဏ်ရာရရှိခဲ့ကြောင်း TNLA ကထုတ်ပြန်သည်။ ထုတ်ပြန်ချက်အရ ဖေဖော်ဝါရီလ ၆ ရက်တွင် နောင်ချိုမြို့ သပြေတောင်ရပ်ကွက်အား စစ်ကောင်စီတပ်မှ ဗုံး (၁)လုံး ကြဲချတိုက်ခိုက်မှုကြောင့် အရပ်သား (၁)ဦး ဒဏ်ရာရရှိပြီး နေအိမ် (၅)လုံး ပျက်စီးခဲ့သည်။ Photo - TNLA ဖေဖော်ဝါရီလ ၁ဝ ရက်နေ့တွင် စစ်ကောင်စီတပ်မှ မိုးကုတ်မြို့အနောက်ပိုင်း ဝန်းထရံရပ်ကွက်အား လေကြောင်းကိုအသုံးပြုပြီး ဗုံး (၂ဝ)လုံး ကြဲချမှုကြောင့် အရပ်သား(၅)ဦး သေဆုံးခဲ့ကာ (၁၉)ဦး ဒဏ်ရာရရှိခဲ့သည်။ ဖေဖော်ဝါရီလ ၂ဝ ရက်တွင် နောင်ချိုမြို့ ဘူတာရပ်ကွက်နှင့် ပြည်သူ့ဆေးရုံပေါ်သို့ စစ်ကောင်စီတပ်မှ ဗုံး (၂)လုံးကြဲချတိုက်ခိုက်မှုကြောင့် အရပ်သား (၃)ဦး သေဆုံးခဲ့ပြီး (၄)ဦး ထိခိုက်ဒဏ်ရာရရှိခဲ့သည်။ အလားတူ မိုးမိတ်မြို့နယ် ဝဲဘောင်းကျေးရွာကို စစ်ကောင်စီမှ လေကြောင်းဖြင့် ဗုံး (၂)လုံး ကြဲချမှုကြောင့်အရပ်သား (၃)ဦး သေဆုံးခဲ့ပြီး (၇)ဦး ထိခိုက်ဒဏ်ရာရရှိခဲ့သည်။ ပြီးခဲ့သည့် ဖေဖော်ဝါရီလ ၂ဝ ရက်ကလည်း နောင်ချိုမြိ...
ပဲခူးတိုင်း၊ ညောင်လေးပင်ခရိုင်(ခလယ်လွီထူခရိုင်)တွင် ဇွန်လ (၅) ရက်နေ့မှ (၉) ရက်နေ့အတွင်း စစ်ကောင်စီတပ်မှပစ်ခတ်မှုကြောင့် အရပ်သား (၁) ဦးသေဆုံးကာ (၆) ဦးဒဏ်ရာရရှိခဲ့ကြောင်း ကေအဲန်ယူ−ဗဟိုမှထုတ်ပြန်သည်။
ညောင်လေးပင်ခရိုင်(ခလယ်လွီထူခရိုင်)အတွင်းရှိ မူးမြို့နယ်နှင့် ကျောက်ကြီး (လယ်ဒို)မြို့နယ်များတွင် စစ်ကောင်စီတပ်မှ ပြည်သူများ နေထိုင်ရာကျေးရွာများအတွင်းသို့ လက်နက် ကြီး များဖြင့် ပစ်ခတ်တိုက်ခိုက်ခဲ့သောကြောင့် အရပ်သား (၅) ဦး ဒဏ်ရာ ရရှိပြီး (၁) ဦး အသက်သေဆုံးကာ စစ်ကောင်စီတပ်များ ထောင်ထားသော မိုင်းအား နင်းမိပြီး ဒေသခံ (၁) ဦး ခြေထောက်ဖြတ်တောက်ခဲ့ရကြောင်းသိရသည်။
 |
| ဓါတ်ပုံ − စစ်ကောင်စီတပ်၏ လက်နက်ကြီးပစ်ခတ်မှုကြောင့် ထိခိုက်မှုများ။ |
ကျောက်ကြီး (လယ်ဒို)မြို့နယ်အတွင်း ဇွန်လ (၄)ရက်နေ့ ၌ပိန်းဇလုပ်အခြေစိုက် ခလရ-၂၆၄ တပ်ရင်းမှ ၁၂ဝ မမ လက်နက်ကြီး (၁ဝ)လုံးနှင့် ၁၅၅ မမ ဟောင်ဝစ်ဇာလက်နက်ကြီး(၁)လုံး စုစုပေါင်း (၁၁)လုံးပစ်ခတ်ခဲ့ရာ ကောက်မယ်သူကျေးရွာ နှင့် ဝမ်ချဲ ကျေးရွာအကြား၊ ယောက်သွားကုန်းကျေးရွာ နှင့်ရေတွင်းကုန်းကျေးရွာအကြား၊ နွားရေကျောင်းကျေးရွာ နှင့်ကြိတ်ကွင်းကျေးရွာအကြား နှင့် ဘုရားကြီး ကျေးရွားအရှေ့ပိုင်းတွင် ကျရောက်ပေါက်ကွဲခဲ့သည်။
ထို့အတူ ဇွန်လ(၅)ရက်နေ့ ညနေတွင် စစ်ကောင်စီတပ်မှ ခလရ-၂၆၄တပ်ရင်းမှ ၁၂ဝ မမ လက်နက်ကြီး(၂)လုံးနှင့် ဟောင်ဝစ်ဇာလက်နက်ကြီး (၁)လုံး ပစ်ခတ်ခဲ့ရာ မဘီလေးကျေးရွာ၊ တောင်ခင်ကျေးရွာနှင့် ကြိတ်ကွင်းကျေးရွာ တို့အကြားတွင် ကျရောက်ပေါက်ကွဲခဲ့သည်။
ဌင်းအပြင် ဇွန်လ (၇)ရက်နေ့ ည(၁ဝး၀၀)အချိန်တွင်လည်း ပိန်းဇလုပ် အချိန်စိုက် ခလရ-၂၆၄တပ်ရင်းမှ (၁၂၀) မမ လက်နက်ကြီး (၁၂)လုံးနှင့် ခမရ-၃၀၇ တပ်ရင်းမှလက်နက်ကြီး ၈၁မမ(၅)လုံး စုစုပေါင်း (၁၇)လုံး ပစ်ခတ်မှုခဲ့ရာ ခရုကုန်း၊ ယောက်သွားကုန်း၊ စံကုန်း၊ ချောင်းတဲစုကျေးရွာ၊ပေါက်ကုန်းကျေးရွာ တွင်ကျရောက်ပေါက်ကွဲခဲ့ကြောင်းသိရသည်။
ထို့ပြင် ဇွန်လ (၈)ရက်နေ့ မနက်(၅း၃၀)မိနစ်အချိန်တွင် သမင်အင်းကုန်းကျေးရွာ အုပ်စု သူဌေးကုန်း ကျေးရွာ နေ အမျိုးသားတဦးသည် ခြံဝန်း အတွင်း အမှိုက်ရှင်းလင်းခဲ့ရာ စစ်ကောင်စီ ထောင်ထားသောမိုင်း နင်းမိပြီး ခြေတစ်ဖက်ပြတ် အပြင်းအထန် ဒဏ်ရာရရှိ ခဲ့ကြောင်းသိရသည်။
ဌင်းအပြင် ဇွန်လ (၉) ရက်နေ့ မနက် (၅း၃၀) အချိန်တွင် စစ်ကောင်စီတပ် ခမရ− ၃ဝ၇ ရွှေဝါတပ်ရင်းများက ၁၂ဝ မမ လက်နက်ကြီးများဖြင့်နတ်လောင်းကျေးရွာ အုပ်စု သရက်တိုက်ကျေးရွာ အတွင်းသို့ ပစ်ခတ်ခဲ့ရာ ဒေါ်တင်ပြ (၈၅) နှစ်မှာ လက်နက်ကြီးထိမှန်ပြီး ထိခိုက်သေဆုံးခဲ့ကြောင်း ကေအဲန်ယူ−ဗဟိုမှထုတ်ပြန်သည်။
- Bagan News
www.bagannews.com
Comments
Post a Comment