Bagan News Agency

 မကွေးတိုင်း၊ မြိုင်မြို့နယ်တွင် ရဟန်း၊သံဃာတော်များမှ ယနေ့  ဇွန်လ(၂၇)ရက်၊မနက်(၈)နာရီ ဝန်းကျင်၌  ပတ္တနိက္ကုဇ္ဇန ကံဆောင်မှုနှင့် မေတ္တာသုတ်ရွတ်ဖတ် ချီတက် ခဲ့ကြကြောင်းသိရသည်။ ပတ္တနိက္ကုဇ္ဇန  ကံဆောင်ခြင်း ဆိုသည်မှာ သံဃာထုမှ စစ်အာဏာရှင်ကိုအဆက်အဆံမပြုရန် တစ်ညီတစ်ညွတ်တည်း ဆုံးဖြတ်ချက် ချခြင်းဖြစ်သည်။ စစ်ကောင်စီတပ်သည်  ဇွန် ၁၉ ရက်တွင် ပဲခူးမြို့၊ ဝင်းနိမ္မိတာရုံကျောင်းတိုက်ဆရာတော် ဘဒ္ဒန္တမုနိန္ဒာဘိဝံသ စီးနင်းလိုက်ပါလာသည့်ကားအား မန္တလေးတိုင်း ငါန်းဇွန်မြို့နယ်၌ ပစ်ခတ်ခဲ့ပြီး ဆရာတော် ပျံလွန်တော်မှုခဲ့သည်။ အလားတူ  စစ်ကောင်စီတပ်သည် ဇွန် ၂၂ ရက်တွင်လည်း မြင်းခြံမြို့၊ ဆခမကျေးရွာက ဆရာတော် ဦးဥတ္တမကို ထပ်မံသတ်ဖြတ်ခဲ့သည်။ ထို့သို့ ရဟန်း၊သံဃာတော်များများအား စစ်ကောင်စီတပ်မှ သတ်ဖြတ်နေသည့် အတွက်  သံဃာတော်များမှ ပတ္တနိက္ကုဇ္ဇန ကံဆောင်သပိတ်စတင် ပြုလုပ်နေခြင်းဖြစ်သည်။ ပြီးခဲ့သည့် ဇွန်လ ၂၃ရက်နေ့မှစတင်ကာ ချောင်းဦးမြို့နယ်ရှိ သံဃာတော်များမှ ပတ္တနိက္ကုဇ္ဇန ကံဆောင် သပိတ်မှောက်မှုအားစတင်ပြုလုပ်ခဲ့ပြီး ၂၄ ရက်နေ့တွင် ဒီပဲယင်းမြို့နယ်ရှိ သံဃာတော်များ၊၂၅ ရက်နေ့တွင် တန့်ဆည်မြို့နယ်နှင့် ...

ရခိုင်ပြည်နယ်၊သံတွဲမြို့နယ်တွင် စစ်ကောင်စီတပ်မှ လက်နက်ကြီးများဖြင့် ပစ်ခတ်နေခြင်းကြောင့် ဒေသခံပြည်သူ ထောင်ချီ စစ်ဘေးရှောင်နေရကြောင်း ရခိုင်သတင်းရင်းမြစ်များအရသိရသည်။ ပြီးခဲ့သည့် ဇွန်လ၂၂ ရက်နေ့၊ ည (၇)နာရီကျော်ဝန်းကျင်၌  သံတွဲမြို့ ဂျိတ္ကတောင် ဘုန်းကြီးကျောင်းအနီး ရွှေကျောင်းပြင်ကို စစ်ကောင်စီတပ်က ဂျက်တိုက်လေယာဉ်ဖြင့် ဗုံးကြဲတိုက်ခိုက်မှုကြောင့် အရပ်သား(၂)ဦး သေဆုံးခဲ့ပြီး (၂)ဦး ဒဏ်ရာ ပြင်းထန် ရရှိခဲ့ကြောင်း သိရသည်။ စစ်ကောင်စီတပ်နှင့် အာရက္ခတပ်တော် AA တို့ အကြား သံတွဲမြို့နယ်နှင့် ငပလီဒေသဝန်းကျင်တွင် တိုက်ပွဲများဖြစ်ပွားနေပြီး ဒေသခံများမှာနီးစပ်ရာ ဘုန်းတော်ကြီးကျောင်းနှင့် ကျေးရွာများသို့ ထွက်ပြေးတိန်းရှောင်နေရကြောင်း သိရသည်။ ယနေ့ ဇွန်လ ၂၄ ရက်နေ့တွင် သံတွဲရဲစခန်းမှ ရဲများ အရပ်ဝတ်များဝတ်ဆင်ကာ စခန်းကို စွန့်ခွာ ထွက်ပြေးသွားကြကြောင်း၊ သံတွဲမြို့၏ အပြင်ဘက်တွင် ဖြစ်ပွားနေသည့် တိုက်ပွဲများသည် မြို့နှင့် တဖြည်းဖြည်းနီးကပ်လာနေပြီး ဒေသခံများလည်း ဘေးလွတ်ရာကို ထွက်ပြေးတိမ်းရှောင်လျှက်ရှိကြကာယနေ့ နံနက်ပိုင်းတွင် သံတွဲမြို့ပေါ်၊ အနော်ရထာလမ်းရှိ လူနေအိမ်တလုံးပေါ်သို့ လက်နက်ကြီးကျည် ကျရောက်ခဲ့ကြောင်...

မန္တလေးတိုင်း၊ မိုးကုတ်မြို့နယ်၊ အထက်ပိန်းပြစ်ရွာအား စစ်ကောင်စီတပ်ဖွဲ့မှ ဒရုန်းဖြင့်တိုက်ခိုက်မှုကြောင့် ရွာဘုန်းတော်ကြီးကျောင်းဆောင်ထိခိုက်ပျက်စီးခဲ့ကြောင်း TNLA မှထုတ်ပြန်သည်။  ပြီးခဲ့သည့် ဇွန်လ (၂၂)ရက်နေ့ ၊ညနေ (၃)နာရီခွဲအချိန်တွင် အောက်ပိန်းပြစ်ရွာ၌ တပ်စွဲထားသည့် စစ်ကောင်စီစစ်ကြောင်းသည် အထက်ပိန်းပြစ်ရွာသို ဒရုန်းဖြင့်တိုက်ခိုက်ခြင်းပြုလုပ်ခဲ့ခြင်းဖြစ်ကြောင်းသိရသည်။ စစ်ကောင်စီတပ်ဖွဲ့သည် အရပ်သားပြည်သူများနှင့် ရဟန်းသံဃာတော်များ ဘာသာရေးအဆောက်အဦးများအား ရည်ရွယ်ချက်ရှိရှိ တိုက်ခိုက်ခြင်းဖြစ်ပြီးအထက်ပိန်းပြစ်ကျေးရွာထဲသို့ ဗုံးသီးကျရောက်ပေါက်ကွဲမှုကြောင့် ပြည်သူများစိုးရိမ်ထိတ်လန့်နေရကြောင်း TNLA မှထုတ်ပြန်သည်။  ထို့အပြင် ဇွန်လ (၂၂)ရက်နေ့၊ နေ့လည် (၁၁)နာရီခွဲဝန်းကျင်တွင် စစ်ကောင်စီတပ်နှင့် မိုင်တိုင် အမှတ် (၇) အောက်ပိန်းပြစ်နှင့် အထက်ပိန်းပြစ်ရွာကြားတွင် နှစ်ဖက်ထိတွေ့တိုက်ပွဲဖြစ်ပွားခဲ့ကြောင်း တအာင်းအမျိုးသားလွတ်မြောက်ရေးတပ်မတော် PSLF/TNLA မှသိရသည်။  ပြီးခဲ့သည့် ဇွန်လ ၁၈ ရက်နေ့မှ ဇွန်လ ၂ဝ ရက်နေ့အထိ (၃) ရက်အတွင်း စစ်ကောင်စီတပ်က ဂျက်လေယာဉ်နှင့် ဒရုန်းဖြင့် ဗုံးကြဲတိုက်ခိုက်မှု၊ ...

ပြီးခဲ့သည့် ဇွန်လ(၁၅)ရက်နေ့ နံနက် ၂ နာရီ ၃၀ မိနစ်တွင် ကျိုက်မရောအကျဉ်းထောင်မှ  ဒိုက်ဦးဗဟိုအကျဉ်းထောင်သို့ပြောင်းရွှေ့ခဲ့သည့် နိုင်ငံ‌ရေးအကျဉ်းသူ ၄ဝ ကျော် ကို ဒိုက်ဦးထောင်အာဏာပိုင်များမှ ဥပဒေမဲ့ ရိုက်နှက် မှုများပြုလုပ်ခဲ့ကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှသိရသည်။ ထောင်ပြောင်းမှုတွင် နိုင်ကျဉ်းအများဆုံးပါဝင်ခဲ့ပြီး အကျဉ်းသူ(၆ဝ)နှင့်အကျဉ်းသား(၁ဝဝ)ကို ဒိုက်ဦးအကျဉ်းထောင်နှင့် သာယာဝတီအကျဉ်းထောင် များသို့ ပြောင်းရွှေ့ခဲ့ကြောင်းသိရသည်။ အမျိုးသမီးအကျဉ်းသူ(၆ဝ)တွင် နိုင်ငံရေးအကျဉ်းသူ(၄ဝ)ကျော်ပါဝင်ခဲ့ပြီး  ဇွန်လ(၁၅)ရက်နေ့ ၊နေ့လယ် ၁၂ နာရီခန့်တွင် ဒိုက်ဦးဗဟိုအကျဉ်းထောင်သို့ ရောက်ရှိခဲ့ပြီး အမျိုးသမီးများကို တိုက်တစ်ခုတွင် ထား၍ ပါလာသည့်ပစ္စည်းများကို ထောင်ဝန်ထမ်းများမှ ရှာဖွေခဲ့ကြောင်းသိရသည်။ ပစ္စည်းရှာဖွေမှုပြီးဆုံးချိန်တွင် ကျိုက်မရောထောင်မှ ပါလာသည့် အသုံးအဆောင်နှင့် အစားအသောက်များကို သိမ်းယူထားသည့်အတွက် ထောင်ပြောင်းနိုင်ငံရေးအကျဉ်းသူများမှ ပြန်ပေးရန် တောင်းဆိုခဲ့ကြကြောင်း၊ ထိုတောင်းဆိုမှုကို အမျိုးသမီးဝန်ထမ်းများမှ ကောင်းမွန်စွာမဖြေရှင်းပေးပဲ အမျိုးသားအ...

ယမန်နေ့၊ ဇွန်လ(၁၅)ရက်နေ့ နံနက်(၂)နာရီဝန်းကျင်တွင်  မန္တလေးအိုးဘိုထောင် အမျိုးသားအိပ်ဆောင်များအတွင်းရှိ နိုင်ငံရေးအကျဉ်းသား(၇ဝ)ကျော်နှင့် မူးယစ်(၃)ဦးခန့်ကို နှစ်ယောက်တစ်တွဲ ခြေကျင်းခတ်၍ မကွေးအကျဉ်းထောင်နှင့်မြင်းခြံအကျဉ်းထောင်သို့ ထောင်ပြောင်းပို့ခဲ့ကြောင်း မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)မှသိရသည်။ ဇွန်လ(၁၅)ရက်နေ့ နံနက် (၆)နာရီဝန်းကျင်ခန့်၌ မြင်းခြံအကျဉ်းထောင်တွင် နိုင်ငံရေးအကျဉ်းသားအချို့ကို ပို့ဆောင်ခဲ့ပြီး နံနက် ၁၁ နာရီဝန်းကျင်ခန့်တွင် မကွေးအကျဉ်းထောင်ကို ကျန်ရှိနိုင်ငံရေးအကျဉ်းသားများကို ပို့ဆောင်ခဲ့ကြောင်းသိရသည်။  မန္တလေးအိုးဘိုအကျဉ်းထောင်အတွင်း နိုင်ငံရေးအကျဉ်းသား၊အကျဉ်းသူများကို လူဦးရေ(၅ဝ)သာ ပုံမှန်ထားလေ့ရှိသည့်အခန်းများအတွင်း လူဦးရေ(၁ဝဝ)ကျော်ခန့် ကျပ်ညှပ်စွာ နေထိုင်နေရပြီး လူသေအလောင်းကိုထည့်သည့် ခေါင်းတလားအကျယ်အဝန်းခန့်တွင်တာ အိပ်စက်နေရကြောင်း PPNM ကဇွန်လ(၇)ရက်နေ့ တွင်ထုတ်ပြန်ခဲ့သည်။ အဆိုပါကိစ္စရပ်များအပြင် ထောင်အာဏာပိုင်များ၏ အကျဉ်းသားများအပေါ် လူ့အခွင့်အရေးချိုးဖောက်မှုများ ၊ထောင်အာဏာပိုင်များ၏ လာဘ်စားမှုများကို စောင့်ကြည့်ထုတ်ပြန်ခဲ့သည်။ ထ...

ပအိုဝ်းအမျိုးသားလွတ်မြောက်ရေးတပ်မတော် (PNLA ) တပ်ဖွဲ့ တည်ထောင်ခြင်း ၁၇ နှစ်ပြည့် အခမ်းအနားကို ဇွန်လ ၁ဝ ရက်နေ့တွင် တပ်ဖွဲ့အသီးသီးမှ မြေပြင်အသီးသီးတွင် အကျဉ်းချုပ် ကျင်းပခဲ့ကြသည်။ ပအိုဝ်းအမျိုးသားလွတ်မြောက်ရေးတပ်မတော် (PNLA) ကို ၂ဝဝ၇ ခုနှစ် ဇွန်လ ၁ဝရက်နေ့တွင် စတင်တည်ထောင်ခဲ့ရာ ဇွန်လ ၁ဝ ရက်နေ့ ၂၀၂၄ ခုနှစ်၌ ၁၇ နှစ်ပြည့်ပြီဖြစ်ကြောင်း PNLA မှထုတ်ပြန်သည်။ တပ်ဖွဲ့တည်ထောင်ခြင်း (၁၇ )နှစ်ပြည့်အခမ်းအနားတွင် ပအိုဝ်းအမျိုးသားအလံတော် ၊ ပအိုဝ်းအမျိုးသားလွတ်မြောက်ရေးအဖွဲ့ချုပ်အလံတော် ၊ ပအိုဝ်းအမျိုးသားလွတ်မြောက်ရေးတပ်မတော်အလံတော်များအား အလေးပြုခြင်း တပ်ဖွဲ့တာဝန်ရှိသူများက ခွန်အားပေးစကားပြောကြားခြင်း စသည့်အစီအစဉ်များဖြင့် ပြုလုပ်ခဲ့သည်။ ထို့အပြင် တော်လှန်ရေးကာလအတွင်း ကျဆုံးလေပြီးသည့် သူရဲကောင်းအာဇာနည်များကိုလည်း အလေးအနက်ထားပြီး ဂုဏ်ပြု ချီးမွမ်း အလေးပြုခဲ့ကြသည်။  #Bagannews #PNLA #ပအိုဝ်း

  ကချင်ပြည်နယ်၊ ဝိုင်းမော်မြို့- ကံပိုင်တည်မြို့သွား လမ်းမပေါ်တွင်ရှိသည့် ဆဒုံးမြို့တစ်ခုလုံးအား ထိန်းချုပ်ထားသည့် စစ်ကောင်စီတပ် ဗျူဟာကုန်းကို KIA ပူးပေါင်းတပ်ဖွဲ့မှ ပြီးခဲ့သည့် ဇွန်လ (၁၁) ရက်နေ့ ၌ သိမ်းပိုက်ခဲ့ကြောင်း ကချင်သတင်းရင်းမြစ်များအရသိရသည်။ ဆဒုံး – ကန်ပိုင်တည်သွား လမ်းမပေါ်တွင်ရှိသည့် ၁၃ မိုင်စုပေါင်းဂိတ်(ဂေါ်ဆက်ယန်)၊ ဘွမ့်တောင်ပြည်သူ့စစ်စခန်း၊ လဖိုင်ပြည်သူ့စစ်စခန်း၊ ဒိန်ဂါစစ်တပ်စခန်းနှင့် ဆဒုံးဗျူဟာကုန်းနေရာများအား KIA ပူးပေါင်းတပ်များက ဇွန်လ ၁၁ ရက်နေ့ မနက်ပိုင်း၌ တပြိုင်နက်ဝင်ရောက်တိုက်ခိုက်သိမ်းပိုက်ခဲ့ကြောင်း သိရသည်။ ဆဒုံးမြို့ သည် မြစ်ကြီးနားမြို့အရှေ့ဘက် မိုင် ၄ဝ ခန့်အကွာ ပေ ၄ဝဝဝ ကျော်မြင့်သော တောင်တန်းတစ်ခုပေါ်တွင် တည်ရှိသည်။ ကချင်ပြည်နယ်၊ ဝိုင်းမော်မြို့နယ်တွင် လက်ရှိတိုက်ပွဲဖြစ်ပွားနေပြီး ဝိုင်းမော်မြို့နှင့် ပတ်ဝန်းကျင်မှာရှိသည့် ပြည်သူများအနေဖြင့် လုံခြုံသည့်နေရာများပြင်ဆင်ထားဖို့လိုကြောင်း KIO သတင်းနှင့် ပြန်ကြားရေးတာဝန်ခံ ဗိုလ်မှူးကြီးနော်ဘူက လည်း ကချင်သတင်းကိုပြောကြားထားသည်။ ပြီးခဲ့တဲ့ မေလ ၁၈ ရက်နေ့တွင် KIA ပူးပေါင်းတပ်များက ဝိုင်းမော်မြို့နယ်အတွင်းရှိ ရွှေည...

တနင်္သာရီတိုင်း ၊ ထားဝယ်ခရိုင် ၊ ရေဖြူမြို့နယ် ရာဖူးကျေးရွာရှိ စစ်တပ်၏ ယာယီစခန်းကိုဗျူဟာ (၃၃) ပူပေါင်းတပ်ဖွဲ့များမှ ဇွန်လ (၁၁)ရက်နေ့၊ နေ့လည် (၁:၅၀) အချိန်၌ Drone ဖြင့် တိုက်ခိုက်ခဲ့ကြသည်။   ၎င်းတိုက်ခိုက်မှုတွင် စစ်ကောင်စီဘက်မှ စစ်ကြောင်းမှူး(စိုးရိမ်ရ)နှင့်ရဲဘော်သုံးဦးထိခိုက်ဒဏ်ရာရရှိခဲ့ကြောင်း သိရသည်။ ၎င်းတိုက်ခိုက်မှုအား ပြည်သူကာကွယ်ရေးတပ်မတော်(PDF) ဒေါနစစ်ကြောင်း၊ မွန်ပြည်ကာကွယ်ရေးတပ် ( MSRF ) ၊ K.T.L.A ၊ မွန်ပြည်သစ်ပါတီ ( AD ) ၊ အထူးဒရုန်းတပ်ဖွဲ့ ( SawDragon Drone Force ) ၊ ရေးဒရုန်းတပ်ဖွဲ့ ( Y.A.F ) ၊ထားဝယ်အမျိုးသားလွတ်မြောက်ရေးတပ်တော် (D.N.L.A )တို့ ပူးပေါင်း တိုက်ခိုက်ခဲ့ခြင်း ဖြစ်ကြောင်း ပြည်သူ့ကာကွယ်ရေးတပ်မတော် (PDF)၊ စစ်ရုံးချုပ်မှ ထုတ်ပြန်သည်။  ပြည်သူ့ကာကွယ်ရေးပူးပေါင်းတပ်ဖွဲ့များသည် ဇွန်လ (၁၃)ရက်နေ့တွင်လည်း အရပ်သားပြည်သူများကိုဖမ်းဆီးခြင်း၊ ကျေးရွာအတွင်းရှိ နေအိမ်များဖောက်ထွင်းခိုးယူခြင်းများ ပြုလုပ်နေသော စစ်တပ်ရှိရာ အလယ်စခန်းကျေးရွာသို့ နယ်မြေရှင်းလင်းမှုပြုလုပ်ခဲ့ပြီး အမှတ် (၈) လမ်းမကြီးပေါ် သွားလာဖြတ်သန်းနေသောကားများအား စစ်ဆေးမှုများပြုလုပ်ခဲ့ကြောင်းသိရသည်...

ရှမ်းပြည်နယ်တောင်ပိုင်း၊ ဟိုပုံးမြို့ နောက်ပဖါရပ်ကွက်နေ ပြည်သူ့ (၂) ဦးကို စစ်ကောင်စီနှင့် စစ်ကောင်စီလက်အောက်ခံ PNO ပြည်သူ့စစ်က နေအိမ်ပေါ်ထိ လာရောက် ပစ်ခတ် သတ်ဖြတ်ခဲ့ကြောင်း ပအိုဝ်းအမျိုးသားလွတ်မြောက်ရေးတပ်မတော်(PNLA)မှသတင်းထုတ်ပြန်သည်။ ပြီးခဲ့သည့် မေလ ၁၅ ရက်နေ့ ညနေ ၈ နာရီခန့်တွင် ယင်းဖြစ်ရပ်ဖြစ်ပွားခဲ့ဖြင်းဖြစ်ပြီး အသတ်ခံရသူ (၂) ဦးမှာ ဟိုပုံးမြို့ နောင်ပဖါရပ်ကွက်နေ ဖြားခွန်လှ နှင့် ခွန်ဗွုန်း တို့ဖြစ်သည်။ ၎င်းတို့ကို ပစ်သတ်ပြီးနောက် ဖြားခွန်လှ နှင့် ခွန်တဗွုန်းသည် ပအိုဝ်းအမျိုးသားလွတ်မြောက်ရေးတပ်မတော်(PNLA) တပ်ဖွဲ့ဝင်များဖြစ်သဖြင့် ပစ်သတ်ခြင်းဖြစ်သည်ဟု ပြောဆိုခဲ့ကြောင်းသိရသည်။  ၎င်းတို့ (၂)ဦးသည် နောင်ပဖါရပ်ကွက်နေ သာမန်ပြည်သူများဖြစ်ပြီး PNLA နှင့် ပတ်သက်မှုမှ မရှိကြောင်း၊ ဖြားခွန်လှမှာ နောင်ပဖါရပ်ကွက်အတွင်း မူးယစ်ဆေးဝါးပပျောက်ရေး အကျင့်ပျက်နေသူများအား စာရိတ္တပြုပြင်ရေးတွင် တက်ကြွစွာ အကူအညီပေးနေသည့် ရပ်မိရပ်ဖ တဦးဖြစ်ကြောင်း သိရသည်။ စစ်ကောင်စီနှင့် စစ်ကောင်စီလက်အောက်ခံ PNO ပြည်သူ့စစ်သည် မေလ မှ ဇွန်လ (၃) ရက်နေ့အထိ ပြည်သူလူထုကို ဖမ်းဆီးသတ်ဖြတ်ခြင်း ၊ ပြန်ပေးဆွဲငွေညှစ်ခြင်း ၊ ရိုက်နှက်န...

 ရခိုင်ပြည်နယ်၊ သံတွဲမြို့ ဆင်ခေါင်းကျေးရွာအား ဇွန်လ (၄) ရက်နေ့တွင် စစ်ကောင်စီတပ်မှ လက်နက်ကြီးများဖြင့်ပစ်ခတ်ခြင်း၊ ဒရုန်း၊ လေယာဉ်များဖြင့် ဗုံးကြဲတိုက်ခိုက်မှုကြောင့် အရပ်သားပြည်သူ ၁၄ ဦးသေဆုံးခဲ့ကြောင်း  အာရက္ခတပ်တော် AA မှထုတ်ပြန်သည်။  ဇွန်လ ၁ဝ ရက်နေ့ အထိ ဆင်ခေါင်းကျေးရွာတွင် စာရင်းကောက်ယူမူအရ အရပ်သားပြည်သူ ၁၄ ဦးသေဆုံးခဲ့ပြီး အတည်မပြုနိုင်သော သေဆုံးသူများရှိနိုင်ကြောင်းထုတ်ပြန်ချက်ကဆိုသည်။ ဌင်းပြင် စစ်ကောင်စီတပ်မှ ဆင်ခေါင်းကျေးရွာအား လက်နက်ကြီးများဖြင့်ပစ်ခတ်ခြင်း၊ ဒရုန်း၊ လေယာဉ်များဖြင့် ဗုံးကြဲတိုက်ခိုက်မှုကြောင့် အရပ်သား ၂၄ ဦးကျော် ထိခိုက်ဒဏ်ရာရခဲ့ပြီး ကျေးရွာရှိ နေအိမ် ၆ဝ မှာလုံးဝပျက်စီးခဲ့ကြောင်း သိရသည်။ စစ်ကောင်စီတပ်နှင့် ရခိုင်ပြည်လွတ်မြောက်ရေးပါတီ (ALP) တပ်ဖွဲ့ဝင်အချို့၊ စစ်ကောင်စီ၏ အကြမ်းဖက် သင်တန်းဆင်း မူဆလင်တပ်ဖွဲ့ဝင်များသည် မေလ (၂၉) ရက်နေ့ကလည်း စစ်တွေမြို၊ ဗျိုင်းဖြူကျေးရွာမှ ထောင်ချီသောရွာသူရွာသားများ ဖမ်းဆီးပြီး ၇၆ ဦးကို မတရားဖမ်းဆီး သတ်ဖြတ်ခဲ့ကြောင်း အာရက္ခတပ်တော် AA မှထုတ်ပြန်ခဲ့သည်။  -Bagan News www.bagannews.com 

 ပဲခူးတိုင်း၊ ညောင်လေးပင်ခရိုင်(ခလယ်လွီထူခရိုင်)တွင် ဇွန်လ  (၅) ရက်နေ့မှ (၉) ရက်နေ့အတွင်း  စစ်ကောင်စီတပ်မှပစ်ခတ်မှုကြောင့် အရပ်သား (၁) ဦးသေဆုံးကာ (၆) ဦးဒဏ်ရာရရှိခဲ့ကြောင်း ကေအဲန်ယူ−ဗဟိုမှထုတ်ပြန်သည်။  ညောင်လေးပင်ခရိုင်(ခလယ်လွီထူခရိုင်)အတွင်းရှိ မူးမြို့နယ်နှင့် ကျောက်ကြီး (လယ်ဒို)မြို့နယ်များတွင် စစ်ကောင်စီတပ်မှ ပြည်သူများ နေထိုင်ရာကျေးရွာများအတွင်းသို့ လက်နက် ကြီး များဖြင့် ပစ်ခတ်တိုက်ခိုက်ခဲ့သောကြောင့် အရပ်သား (၅) ဦး ဒဏ်ရာ ရရှိပြီး (၁) ဦး အသက်သေဆုံးကာ စစ်ကောင်စီတပ်များ ထောင်ထားသော မိုင်းအား နင်းမိပြီး ဒေသခံ (၁) ဦး ခြေထောက်ဖြတ်တောက်ခဲ့ရကြောင်းသိရသည်။  ဓါတ်ပုံ − စစ်ကောင်စီတပ်၏ လက်နက်ကြီးပစ်ခတ်မှုကြောင့် ထိခိုက်မှုများ။ ကျောက်ကြီး (လယ်ဒို)မြို့နယ်အတွင်း  ဇွန်လ (၄)ရက်နေ့ ၌ပိန်းဇလုပ်အခြေစိုက် ခလရ-၂၆၄ တပ်ရင်းမှ ၁၂ဝ မမ လက်နက်ကြီး (၁ဝ)လုံးနှင့် ၁၅၅ မမ ဟောင်ဝစ်ဇာလက်နက်ကြီး(၁)လုံး စုစုပေါင်း (၁၁)လုံးပစ်ခတ်ခဲ့ရာ ကောက်မယ်သူကျေးရွာ နှင့် ဝမ်ချဲ ကျေးရွာအကြား၊ ယောက်သွားကုန်းကျေးရွာ နှင့်ရေတွင်းကုန်းကျေးရွာအကြား၊ နွားရေကျောင်းကျေးရွာ နှင့်ကြိတ်ကွင်းကျေးရွာအကြား နှင့် ဘုရ...

ယခုတစ်ပတ်အတွင်း ကပ္ပလီပင်လယ်ပြင်နှင့် ဘင်္ဂလားပင်လယ်အော် တစ်ခုလုံးတွင် အနောက်တောင်မုတ်သုံလေ အင်အားဆက်လက် အားကောင်းနိုင်ပြီး ရခိုင်ကမ်းရိုးတန်း၊ မြစ်ဝကျွန်းပေါ်နှင့် မွန်/တနင်္သာရီဒေသများတွင် မိုးပိုနိုင်ကြောင်း NUG ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာနက ယနေ့ထုတ်ပြန်သည်။  အဆိုပါမုတ်သုံလေ အားကောင်းလာမှုက ဇွန်လ ၁၂ ရက်မှ ၁၆ ရက် အတွင်း မြန်မာနိုင်ငံတဝှမ်း မုတ်သုံမိုး ပိုမိုရွာလာစေမည်ဖြစ်ပြီး အထူးသဖြင့်  ရခိုင်ကမ်းရိုးတန်း၊ မြစ်ဝကျွန်းပေါ်ဒေသများနှင့် မွန်/တနင်္သာရီဒေသများတွင် မုတ်သုံမိုးဆက်လက် သည်းထန်စေနိုင်သည်ကို သတိပြုရန်နှင့် ရေကြီးရေလျှံ၊ မြေပြိုဘေးဒဏ် ကျရောက်မှု ဖြစ်လာပါက ဘေးဒဏ်ထိခိုက်မှု လျော့ပါးရေးကို အထူးအလေးထားစေလိုကြောင်း NUG ကထုတ်ပြန်သည်။ မိုးလေဝသနှင့်ဇလဗေဒညွှန်ကြားမှုဦးစီးဌာနကလည်း ဇွန်လ ၁ဝ ရက်မှ နောက်(၂)ရက်အတွင်း ပဲခူးတိုင်း၊ တနင်္သာရီတိုင်း၊ ကချင်ပြည်နယ်၊ ကရင်ပြည်နယ် နှင့် မွန်ပြည်နယ်တို့တွင် မိုးပိုနေမည်ဟု ထုတ်ပြန်သည်။ ပုံ - မြဝတီမြို့တွင် ဇွန်လ (၉) ရက်က မိုးသည်ထန်ပြီးရေကြီးခဲ့စဉ်။ (Photo - CJ) www.bagannews.com 

ရှမ်းပြည်နယ်၊ မိုးမိတ်မြို့နယ်ရှိ TNLA တပ်စခန်းအား စစ်ကောင်စီတပ်မှ လေကြောင်း အသုံးပြုကာ ပေါင် ၅ဝဝ ဗုံးဖြင့်  ကြဲချတိုက်ခိုက်ခဲ့ကြောင်း သိရသည်။  ယနေ့ ဇွန်လ ၉ ရက်နေ့၊ညနေ (၄:၃၀)အချိန်တွင် မိုးမိတ်မြိုနယ် ပန်တင်ရွာနှင့် မန်ပိန်းရွာအကြားရှိ တအာင်းတပ်မတော် (TNLA)တပ်စခန်းအား  စစ်ကောင်စီတပ်က လေကြောင်းအသုံးပြုပြီး ပစ်ခတ်တိုက်ခိုက်ခဲ့ခြင်းဖြစ်သည်။ မိုးမိတ်မြို့နယ်ရှိ TNLA တပ်စခန်းအား စစ်ကောင်စီတပ်က လက်နက်ကြီးဖြင့် (၃) ကြိမ်ပစ်ခတ်ခဲ့ပြီး ပေါင် ၅ဝဝ ဗုံးဖြင့် (၁) ကြိမ် လာရောက်ဗုံးကြဲတိုက်ခိုက်ခဲ့ကြောင်းသိရသည်။  စစ်ကောင်စီတပ်သည် ယနေ့ ညနေ (၅:ဝ၅)အချိန်တွင်လည်း ဂျက်ဖိုက်တာဖြင့် ပေါင် ၅ဝဝ (၁)လုံးအသုံးပြုကာ  ဗုံးကြဲတိုက်ခိုက်ခဲ့ကြောင်း၊ ဇွန်လ (၁) ရက်နေ့မှ (၉) ရက်နေ့အထိ စစ်ကောင်စီတပ်မှ TNLA ရှိရာသို့ လက်နက်ကြီးဖြင့် (၁ဝ) ကြိမ်ထက်မနည်း ပစ်ခတ်ခဲ့ကြောင်းသိရသည်။ စစ်ကောင်စီတပ်သည် မိုးကုတ်၊ မိုးမိတ်ရှိ တအာင်းတပ်မတော် TNLA တပ်စခန်းများအား ဦးတည်ကာ ရည်ရွယ်ချက်ရှိရှိ လက်နက်ကြီးဖြင့် ပတ်ခတ်ခြင်း၊ လေကြောင်းအသုံးပြုကာ အင်အားပြင်းလက်နက်ဖြစ်သည့် ပေါင် ၅ဝဝ ဗုံး အသုံးပြုကာ ဗုံးကြဲတိုက်ခိုက်ခြင်းမျာ...

စစ်ကိုင်းတိုင်း၊ ကန့်ဘလူခရိုင်၊ကျွန်းလှမြို့နယ်၊သဖန်းဆိပ်ဆည်အရှေ့ဘက်ခြမ်းရှိ ကျေးရွာများတွင် စစ်မှုထမ်းရန် အတင်းအဓမ္မဖိအားပေး ခြိမ်းခြောက်ခံရသဖြင့် အိုးအိမ်စွန့်ခွါကာ ရွာလုံးကျွတ်နီးပါး  အရေးပေါ်ထွက်ပြေးတိမ်းရှောင် နေရကြောင်း ကျွန်းလှ ကန့်ဘလူ တက်ကြွလှုပ်ရှားသူများအဖွဲ့ -ကန့်ဘလူခရိုင်မှသိရသည်။ ၎င်းကျေးရွာများသည် ကျွန်းလှမြို့နှင့် သဖန်းဆိပ်ဆည်‌‌သွားရာ လမ်းမကြီးဘေးရှိ ကျေးရွာများဖြစ်ပြီး ကျွန်းလှမြို့နှင့်အလှမ်းမဝေးသဖြင့် ပျူစောထီးများ လွှမ်းမိုးချုပ်ကိုင်ရန် ကြိုးစားနေသော ဒေသဖြစ်သည်။ ကျွန်းလှမြို့၊သစ်ရာမြိုင်အုပ်ကြီးဖြစ်သူ ပျူခေါင်းဆောင်ပွကြီးနှင့် နောက်လိုက်ပျူစောထီးများမှ ၎င်းကျေးရွာများအား မကြာခဏသွားရောက်ကာ ပျူသင်တန်းတက်ရန်နှင့် စစ်မှုထမ်းရန် အမြဲဖိအားပေးခြိမ်းခြောက်နေကြောင်း သိရသည်။ "ကျီကုန်းရွာမှာဆို ကျေးရွာအုပ်ချုပ်ရေးမှူးဦး‌မောင်ဝေနဲ့ ပျူခေါင်းဆောင် ဦးသောင်းဝင်းတို့က ဦးဆောင်ပြီး ရွာသားတွေရဲ့ မှတ်ပုံတင်တွေပါ သိမ်းထားကြတာဗျ၊ထွက်ပြေးမှာမို့လားတော့မသိဘူး။ အမျိုးသားမရှိရင် အမျိုးသမီးဝင်ရမယ်လဲ ခြိမ်းခြောက်တာတွေရှိတယ်။(၉-၆-၂၀၂၄)ဒီနေ့မဲနှိုက်ရမယ်ပြောပြီး မနှိုက်ရဘူးတဲ့၊ဘာတွေထပ်လုပ်အ...

ကရင်ပြည်နယ်၊ မြဝတီမြို့တွင် ယမန်နေ့ညမှစကာ မိုးသည်းထန်စွာ ရွာသွန်းမှုကြောင့် ရေကြီးနေကြောင်းဒေသခံအချို့မှသိရသည်။  မြဝတီ-ဝေါလေ လမ်းပိုင်းရှိ မဲ့ထော်သလေးကျေးရွာထိပ် (အများအခေါ် မီးလောင်ချောင်းတံတား) ချည်းကပ်မြေသားကျောက်ခင်း သည် ချောင်းရေ ထိုးဆင်း မှုကြောင့် ပျက်စီးနေပြီး ဖြတ်သန်းရန် အခက်အခဲဖြစ်နေကြောင်း ဒေသခံတဦးကပြောသည်။ ထိုင်း-မြန်မာနယ်စပ်ရှိ သောင်ရင်းမြစ်ရေသည် ယနေ့ ဇွန်လ (၉)ရက်နံနက်တွင် မြဝတီမြို့၏ စိုးရိမ်ရေမှတ် အောက် (၂) ပေကျော်တွင်ရောက်ရှိနေပြီး ယနေ့ ညနေ (၅) နာရီအတွင်း စိုးရိမ်ရေမှတ်သို့ရောက်ရှိနိုင်ကြောင်း မိုးဇလဌာနကထုတ်ပြန်သည်။ ပြီးခဲ့သည့် ၂ဝ၂၃ ခုနှစ် သြဂုတ်လ (၅) ရက်နေ့ကလည်း ကရင်ပြည်နယ်တွင် မိုးအဆက်မပြတ်ရွာသွန်းမှုကြောင့်  ဒေါနတောင်ကျရေ သောင်ရင်းမြစ်ထဲ ဒလဟော စီးဆင်းကာ ထိုင်းမြန်မာနယ်စပ်ကျေးရွာများနှင့်မြဝတီမြို့ပေါ်ရပ်ကွက်များ ရေကြီးရေလျှံမှုဖြစ်ပွားခဲ့သည်။  Photo - CJ /FB #Bagannews #မြဝတီ #ရေကြီး www.bagannews.com 

ကရင်ပြည်နယ်၊ မြဝတီမြို့တွင် ယမန်နေ့ညမှစကာ မိုးသည်းထန်စွာ ရွာသွန်းမှုကြောင့် ရေကြီးနေပြီး မြဝတီ - ဝေါလေ လမ်းပိုင်း တံတားချည်းကပ်မြေသားလမ်းပြိုကျ ပျက်စီးကာ အဆက်အသွယ် ယာယီပျတ်တောက်နေကြောင်းဒေသခံအချို့မှသိရသည်။  မြဝတီ-ဝေါလေ လမ်းပိုင်းရှိ မဲ့ထော်သလေးကျေးရွာထိပ် အများအခေါ် မီးလောင်ချောင်းတံတား ချည်းကပ်မြေသားကျောက်ခင်း သည် ချောင်းရေ ထိုးဆင်း မှုကြောင့် ပျက်စီးနေပြီး ဖြတ်သန်းရန် အခက်အခဲဖြစ်နေကြောင်း ဒေသခံတဦးကပြောသည်။ ဌင်းမီးလောင်ချောင်းတံတားသည် မဲ့ထော်သလေး မှ KK  တရုတ်ဆိုဒ် သွားရာ လမ်းပိုင်းတွင်ရှိပြီး KK  တရုတ်ဆိုဒ် အတွင်း၌လည်း ယနေ့နံနက်တွင် ရေကြီးပြီးကားများမျှောပါခဲ့ကြောင်း ထိုင်းနိုင်ငံသားတဦးက လူမူကွန်ရက်တွင်ရေးသားထားသည်။ Photo - Ko Min/FB #Bagannews 

 Photo News / Bagan News ပြည်သူ့ကာကွယ်ရေးတပ်မတော် (PDF)၊ တပ်ရင်း အမှတ် (၁ဝဝ၇)၊ မိုးဗြဲပြည်သူ့ကာကွယ်ရေးတပ် ၂ ဖွဲ့စည်းတည်ထောင်ခြင်း (၂) နှစ်ပြည့် အခမ်းအနား ကျင်းပခဲ့သည့်ပုံရိပ်များ အား အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနမှထုတ်ပြန်သည်။  #Bagannews #PDF #မိုးဗြဲ www.bagannews.com 

ဇွန် ၈ / Bagan News  ရှမ်းပြည်နယ်မြောက်ပိုင်း နောင်ချိုမြို့နယ်နှင့်  မိုးမိတ်မြို့ရှိ စစ်ကောင်စီတပ်မှ အရပ်သားပြည်သူရှိရာ ကျေးရွာများအား လက်နက်ကြီးဖြင့် နေ့စဉ်ရက်ဆက် ပစ်ခတ်ခဲ့ကြောင်း တအာင်းတပ်မတော် TNLA မှသိရသည်။ ပြီးခဲ့သည့် ဇွန်လ(၅)ရက်နေ့၊ နံနက်(၈)အချိန်တွင် နောင်ချိုမြို့နယ်ရှိ စစ်ကောင်စီတပ်မှ ပန်ဗွေကျေးရွာမှ နေ၍ သုံးဆယ်ကျေးရွာသို့လက်နက်ကြီး(၄)ကြိမ် ထပ်မံပစ်ခတ်မှုကြောင့် ဒေသခံနေအိမ်တစ်လုံး ထိမှန်ပျက်စီးခဲ့ကြောင်း၊ ဇွန်လ(၄)ရက်နေ့တွင် နောင်ချိုမြို့နယ်ရှိ စစ်ကောင်စီတပ်မှ အုမ္မတီးလမ်းခွဲမှ နေ၍ အရပ်သားပြည်သူရှိရာ သုံးဆယ်ကျေးရွာသို့ လက်နက်ကြီး (၄)ကြိမ် ပစ်ခတ်ခဲ့ကြောင်း၊ ထို့အပြင်  မိုးမိတ်မြို့နယ်ရှိ စစ်ကောင်စီတပ် ဗျူဟာကုန်းမှနေ၍ အရပ်သားပြည်သူရှိရာ မန်ဖွယ်ကျေးရွာသို့ လက်နက်ကြီး(၂)ကြိမ် ထပ်မံပစ်ခတ်ခဲ့ကြောင်းသိရသည်။ စစ်ကောင်စီတပ်မှ လက်နက်ကြီးများဖြင့် နေ့စဉ်ရက်ဆက် ပစ်ခတ်မှုကြောင့် ကျေးရွာနေ ဒေသခံပြည်သူများဘေးလွှတ်ရာ ထွက်ပြေးတိမ်းရှောင်နေရကြောင်းသိရသည်။ တအာင်းတပ်မတော် TNLA တည်ရှိရာ မိုးမိတ်၊ မိုးကုတ်၊ ကျောက်မဲနှင့် နောင်ချိုမြို့ရှိ ကျေးရွာများတွင် စစ်ကောင်စီတပ်မှ ဇွန်လ(၁)ရက်နေ...

 ဇွန် ၈ / Bagan News  ရခိုင်ပြည်နယ်တွင် ဇွန်လ ပထမပတ်တွင်း စစ်ကောင်စီ တပ်စခန်း (၆) ခုကို တိုက်ခိုက်သိမ်းပိုက်ခဲ့ပြီး စစ်ကောင်စီတပ်ဖွဲ့ဝင်  ၄ဝဝ အထက် သေဆုံးခဲ့ကြောင်း အာရက္ခတပ်တော် AA မှသတင်းထုတ်ပြန်သည်။ ၂ဝ၂၄ ခုနှစ်၊ ဇွန်လ၊ ပထမပတ်အတွင်း၌ မောင်တော၊ သံတွဲနှင့် အမ်း မြို့နယ်များအတွင်း တိုက်ပွဲများ အဓိကဖြစ်ပွားလျက်ရှိပြီး  စစ်ကောင်စီအကြမ်းဖက်သင်တန်းဆင်း မူဆလင်များ၊ ARSA၊ ARA နှင့် RSO မူဆလင် အကြမ်းဖက်လက်နက်ကိုင် အဖွဲ့များနှင့်  ဘင်္ဂလာနယ်စပ်တစ်လျှောက်၌ ရံဖန်ရံခါ တိုက်ပွဲများ ဆက်လက်ဖြစ်ပွားနေကြောင်း ထုတ်ပြန်ချက်အရသိရသည်။ အာရက္ခဒေသ(ရခိုင်ပြည်နယ်)အတွင်း၌ စစ်စခန်းများ မြောက်မြားစွာမကျန်တော့သည့် စစ်ကောင်စီသည် လေကြောင်း ပစ်ခတ်တိုက်ခိုက်မှုများကိုသာ အဓိကပြုလုပ်ခြင်း၊ ရက္ခိုင်-မူဆလင် လူမျိုးရေးပဋိပက္ခများ ဖြစ်ပွားစေရေးအတွက် ဆောင်ရွက်ခြင်းတို့ကို ရည်ရွယ်ချက်ရှိရှိပြုလုပ်လျက်ရှိကြောင်း၊ အရပ်သားများကို လေကြောင်းမှ ပစ်ခတ်တိုက်ခိုက်ခြင်းနှင့် အရပ်သားများ သွားလာသည့်လမ်းများတွင် မိုင်းထောင်ခြင်းများကို ယခင်ထက် ပိုမိုလုပ်ဆောင်လျက်ရှိကြောင်း သိရသည်။  ဘူးသီးတောင်နှင့် နယ်မြေချင်းကပ...

 ဇွန် ၈ / Bagan News (Photo News) ရန်ကုန်မြို့တွင် ယနေ့၌  စစ်မှုထမ်းဥပဒေနှင့်ပတ်သက်၍ စစ်အာဏာရှင်ဆန့်ကျင်မှုပြုလုပ်ခဲ့ကြသည်။ "ငါတို့ဘာလုပ်ကြမလဲ"စာသားပါပိုစတာများနှင့် "မတရားစစ်မှုထမ်းဥပဒေကိုဆန့်ကျင်ကြ"စာသားပါဘန်နာများ၊လက်ကမ်းစာစောင်များကိုရန်ကုန်မြို့နေရာအနှံ့တွင် ရွှေပြည်သာမြို့နယ်သပိတ်ကော်မတီ(SPTSC)၊မျိုးဆက်လူငယ်သပိတ်ကော်မတီ(NGYSC)နှင့်မင်္ဂလာတောင်ညွန့်မြို့နယ်လုံးဆိုင်ရာအထွေထွေသပိတ်ကော်မတီ(MTGSC)တို့မှပူးပေါင်း၍ စစ်အာဏာရှင်စနစ်ဆန့်ကျင်မှုများပြုလုပ်ခဲ့ခြင်းဖြစ်သည်။  #Bagannews www.bagannews.com 

ဇွန် ၈ / Bagan News  ကေအဲန်ယူ - ဒူးပလာယာခရိုင် K.N.L.A - တပ်မဟာ (၆) ထံသို့ မော့ကနင် အခြေစိုက် စကခ(၁၉) လက်အောက်ခံ ခလရ(၁၀၆) မှ အသက် (၃၅) နှစ်ရှိ ပြန်တမ်းဝင် အမှတ် ကြည်း(၅၅၆၀၉) တပ်ထောက်ဗိုလ်ကြီး ကျော်မြင့်လွင်သည် ဇွန်လ (၇) ရက်နေ့တွင် MA-3 (၁)လက် ကျည်ဘောက် (၃)ဘောက် ကျည် (၁၃၀)တောင့်၊ MA-5 (၁)လက် ကျည်ဘောက် (၁)ဘောက် ကျည် (၁၁) တောင့် နှင့် အီနာဂါ ဗုံးသီး (၄) လုံး စသည့်လက်နက်ခဲယမ်းနှင့်အတူ လာရောက်ပူးပေါင်းခဲ့ကြောင်း ကေအဲန်ယူမှထုတ်ပြန်သည်။ လက်နက်ခဲယမ်းများနှင့်အတူ လာရောက် ပူးပေါင်း လာသော  စစ်ကောင်စီတပ်မှ တပ်ထောက်ဗိုလ်ကြီး ကျော်မြင့်လွင်အား K.N.L.A - တပ်မဟာ (၆) မှ ထောက်ပံ့ငွေအဖြင့် မြန်မာငွေ (၇,၀၀၀,၀၀၀) သိန်းခုနှစ်ဆယ် ကျပ် တိတိ ကူညီ ထောက်ပံ့ပေးခဲ့ကြောင်း သိရသည်။ ကေအဲန်ယူ−ကရင်အမျိုးသားအစည်းအရုံး၊ ကော်သူးလေအုပ်ချုပ်နယ်မြေ။ ဒူးပလာယာခရိုင်၊ တပ်မဟာ (၆) ထိန်းချုပ်နယ်မြေအတွင်း နေရာအနံ့တိုက်ပွဲများ နေ့စဉ်နှင့်အမျှဖြစ်ပွားလျှက်ရှိနေပြီး  စစ်ကောင်စီတပ်စခန်းအများအပြားကိုလည်း K.N.L.A ဦးဆောင်သော တော်လှန်ရေး ပူးပေါင်း တပ်ဖွဲ့များတို့မှ ပူးပေါင်း တိုက်ခိုက်သိမ်းပိုက်လျှက်ရှိသည်။ ကေအဲန်ယူ - ဒူးပလာယ...

Photo News / Bagan News  ပြည်သူ့ကာကွယ်ရေးတပ်မတော် (PDF)၊ ရှမ်းတောင် အမှတ် (၁ဝဝ၅) တပ်ရင်း-SSPDF  အခြေခံစစ်ပညာသင်တန်း အပတ်စဉ် (၅) ၏သင်တန်းဆင်းပွဲ ပုံရိပ်များ အားအမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနမှထုတ်ပြန်သည်။ #Bagannews #PDF #SSPDF www.bagannews.com 

 ဇွန် ၈ / Bagan News /  စစ်ကိုင်းတိုင်း၊ ခန္တီးခရိုင်နှင့် မော်လိုက်ခရိုင်များတွင် မေလ (၂၃) ရက်နေ့မှ စတင်ပြုလုပ်သည့်  စစ်ဆင်ရေးအတွင်း စစ်ကောင်စီတပ်သား ၁ဝဝ ခန့် သေဆုံးခဲ့ကြောင်း အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနမှထုတ်ပြန်သည်။  (စစ်ကောင်စီတပ်ထံမှသိမ်းဆည်းရမိသည့် လက်နက်ပစ္စည်းအချို့) ဌင်းတိုက်ပွဲများအတွင်း စစ်ကောင်စီတပ်သား ၁ဝဝ ခန့် သေဆုံးခဲ့ကြောင်း၊ စစ်ကောင်စီတပ်သား ၃၂ ဦး၏ အလောင်းများရရှိခဲ့ပြီး လက်နက်ငယ် ၃၉ လက် သိမ်းဆည်းရမိခဲ့ကြောင်းသိရသည်။ ထို့ပြင်တိုက်ပွဲများအတွင်း စစ်ကိုင်းတိုင်း၊ ခန္တီးခရိုင်၊ ဟုမ္မလင်းမြို့နယ်၊ လွှစင်ကုန်းရွာ၊ ပုရစ်ရွာ၊ ဖာနိုင်းရွာ၊ မုက္ကလိရွာ၊ သာဂေါင်းငေါရွာ၊ မြင်သာ-ငိုးပင်းရွာ၊ ဇီးပင်သာရွာ၊ မယ်ဇလီရွာ၊ ရေလဲရွာနှင့် တီလောင်လမ်းဆုံနှင့် မော်လိုက်ခရိုင်၊ ဖောင်းပြင်မြို့နယ်၊ ရောင်းဟီးရွာ၊ အရှေ့ခမိုင်းရွာ၊ သက္ကယ်ကျင်းရွာ၊ ဆည်ချောင်းရွာ၊ ပုဂံတောင်၊ ဟာပါရွာ၊ ညောင်ကုန်းရွာ၊ ချောင်းခွရွာ၊ မယ်ဇလီရွာ၊ ခုံသာရွာ၊ နန်းပန်ရွာ၊ အင်းဝိုင်းရွာ၊ မော်လိုက်ကုန်းရွာ၊ ရွှေထီးကုန်းရွာ၊ ဆိတ်စားရွာအနီးရှိ  စစ်ကောင်စီစခန်းများကို တိုက်ခိုက်သိမ်းပိုက်ခဲ့ကြေ...